Sport

"Sa më shpejt të largohet, aq më mirë"!... Paul Scholes dëshiron ta shohë Rashford të largohet menjëherë nga Man.United

Këtë të martë në emisionin The Overlap të transmetuar në Youtube, Paul Scholes kritikoi ashpër qëndrimin e Marcus Rashford. Ish-mesfushori me 718 ndeshje për Manchester United dëshiron ta shohë sulmuesin 27-vjeçar të largohet sa më shpejt nga “Djajtë e Kuq”.

28 Janar 2025, 18:29 Nga DOSJA
"Sa më shpejt të largohet, aq më mirë"!... Paul

ANGLI - Një tjetër legjendë e Manchester United kritikon qëndrimin e Marcus Rashford, i cili nuk ka luajtur që nga 12 dhjetori 2024 dhe u mënjanua nga Ruben Amorim.  "Sigurisht, ai nuk refuzon të luajë, por me mënyrën se si sillet dhe mënyrën se si stërvitet, ai tregon se nuk dëshiron të jetë atje,"- tha Paul Scholes, i cili luajti njëzet e dy vjet për “Djajtë e Kuq” midis 1991 dhe 2013, në emisionin The Overlap transmetuar në YouTube.

“Mendoj se ai duhet të përjashtohet nga dhoma e zhveshjes, sepse i zhgënjen shokët e skuadrës. Nëse ai është i tillë, para lojtarëve të rinj që e shikojnë si shembull, ai duhet të largohet sa më shpejt, aq më mirë”, shtoi Scholes, që ka luajtur më shumë se 700 ndeshje për Manchester United, duke iu shtuar komenteve të ish-të tij shoku i skuadrës, Rio Ferdinand.

Rashford është veçuar për mungesë investimi në stërvitje dhe është lënë jashtë grupit nga trajneri i tij, Ruben Amorim, javët e fundit. Portugezi bëri shaka edhe për mungesën e zgjatur të sulmuesit 27-vjeçar (426 ndeshje dhe 138 gola) të dielën në mbrëmje, pas një suksesi në Fulham (1-0). “Unë madje do të luaj (Jorge) Vital para se të aktivizoj një lojtar që nuk jep gjithçka çdo ditë”, tha Amorim me shaka, duke iu referuar trajnerit të tij 63-vjeçar të portierëve.

I lidhur me disa klube që nga fillimi i afatit kalimtar dimëror, Rashford mund të largohet nga Manchester United para 31 janarit, por ekuacioni është bërë i ndërlikuar nga paga e lartë që do t'i paguhet deri në vitin 2028 nga “Djajtë e Kuq”.

B.T (Dosja.al)

Sondazh

Poll

Sport 28 Janar 2025, 16:54

Guardiola: “Nuk mendoj se do eliminohem”

ANGLI - Trajneri i Manchester Cityt, Pep Guardiola, ka deklaruar se nuk mendon se mund të eliminohet nga Champions League dhe se ndeshjen nd...

MË SHUMË