Sport

Balde për fyerje dhe mjedisin te Barça: “Nuk befasohem nëse më quajnë të zi... Jam i habitur, se edhe kapiteni i Getafe është i zi”

Mbrojtësi foli sërish për episodin e racizmit që përjetoi në Getafe, komentoi momentin e tij të mirë personal dhe situatën e skuadrës para përballjes me Atalantën.

28 Janar 2025, 15:37 Nga DOSJA
Balde për fyerje dhe mjedisin te Barça: “Nuk befasohem

SPANJE - Alejandro Balde u shfaq para përballjes me Atalantën në Champions League dhe foli sërish për fyerjet raciste që mori në Getafe.

"Ishte një situatë e komplikuar. Kam marrë disa ofendime, por nëse tre ose katër persona të shajnë, nuk duhet të përgjithësohen për të gjithë futbollin spanjol. Mendoj se kam vepruar mirë në raportim. Të quhesh i zi... nuk ka rëndësi. Unë jam me ngjyrë dhe jam krenar për këtë, por më befason sepse edhe Getafe ka një kapiten me ngjyrë”, ka komentuar mbrojtësi i Barçës.

Balde është në një moment të mrekullueshëm, një nga më të mirët e tij, që kur erdhi si lojtar i Barçës. "Sezoni im i parë ishte shumë i mirë, i dyti ishte më i komplikuar dhe kisha një dëmtim 6 muajsh. Nuk është e lehtë të kthehesh. Jo të gjithë jemi Pedri apo Lamine, të cilët kanë lindur me një talent të jashtëzakonshëm. Jam shumë i ri dhe ende po mësoj”, tha ndërkombëtari, i cili pranoi se ende nuk ka tavan.

Pikërisht, Balde foli për të rinjtë e skuadrës. "Ne kuptohemi shumë mirë, jemi shumë të rinj. Në moshën 21-vjeçare dukem si veteran. Pedri është 22 vjeç. Ne ndajmë hobi, shaka dhe kalojmë mirë. Kjo është e mira e këtij ekipi,"- pranoi katalanasi, i cili theksoi unitetin e grupit. 

“Është një ndeshje shumë e rëndësishme, edhe pse tashmë jemi të klasifikuar. Atalanta është një rival i madh. Jemi në një moment të madh dhe duam të shkojmë për 3 pikët”. 

Lojtari i të rinjve të Barçës komentoi gjithashtu se ata nuk po heqin dorë nga asgjë dhe ruajnë ambicien për të shkuar për gjithçka pavarësisht se në Ligë janë shtatë pikë prapa Madridit. "Ideja jonë është që gjithmonë të konkurrojmë për të gjithë titujt. Nuk duhet të fokusohemi më shumë tek njëri apo tjetri. Ne jemi Barça dhe duhet të shkojmë për gjithçka."

Një nga miqtë e tij të mëdhenj në dhomat e zhveshjes është Ansu Fati dhe gjithashtu  Lamine Yamal. Numrit 10 të Barcelonës, Balde i dërgoi mbështetjen e tij publike. "Ansu është një nga miqtë e mi më të mirë, por ai dëshiron të përmirësohet dhe të ndihmojë. Ai ka talent të jashtëzakonshëm dhe do të kthehet",- pohoi ai për Ansu. Sa i përket Lamines, ai ishte i qartë: “Ai është një nga më të mirët në botë dhe kam besim të plotë se do të shkojë më tej”, tha ai.

B.T (Dosja.al)

Sondazh

Poll

MË SHUMË