Aktualitet

EMRAT/ U kapën me doza lëndë narkotike dhe eksplozivë, arrestohen 3 persona në Lushnjë! Një 17-vjeçar procedohet në gjendje të lirë

Ndërkohë policia bën me dije se ka nisur procedim penal në gjendje të lirë ndaj një 17-vjeçari, i cili u kap me disa doza kanabisi, gati për shitje.

9 Janar 2025, 13:18 Nga ZH.LL
EMRAT/ U kapën me doza lëndë narkotike dhe eksplozivë,
arrestimi

LUSHNJË- Tre persona janë arretuar në Lushnjë, pasi janë kapur me lëndë narkotike kanabisi. Tre të arrestuarit janë: Evis Lace 32-vjeç, Ronaldo Kiptiu 21-vjeç dhe Adi Mema 24-vjeç. Sipas njoftimit, njërit prej tyre iu gjet kallëp lënde e dyshuar eskplozive artizanale, në automjetin që drejtonte. 

Ndërkohë policia bën me dije se ka nisur procedim penal në gjendje të lirë ndaj një 17-vjeçari, i cili u kap me disa doza kanabisi, gati për shitje. Nga hetimet e deritanishme rezulton se do t’i shiste në afërsi të shkollave të qytetit të Lushnjës.

Materialet procedurale i kaluan Prokurorisë Fier, për veprime të mëtejshme.

Njoftimi i polisisë:

Komisariati i Policisë Lushnjë, si rezultat i intensifikimit të kontrolleve dhe punës së inteligjencës policore, me objektiv garantimin e rendit dhe sigurisë në të gjithë territorin e rrethit, finalizoi në bashkëpunim me Seksionin për Hetimin e Narkotikëve e DVP Fier, operacionin “Penaliteti”. Gjatë operacionit:

u arrestua shtetasi Evis Lace,32 vjeç, banues në Kuçovë, pasi në automjetin që drejtonte, u gjetën një sasi Cannabisi dhe kallëp lënde e dyshuar eksplozive artizanale;

u arrestua shtetasi Ronaldo Kiptiu, 21 vjeç, banues në Lushnjë, pasi iu gjetën doza Cannabisi dhe përforcues grushti;

u arrestua shtetasi Adi Mema, 24 vjeç, banues në Lushnjë, pasi në automjetin që drejtonte, u gjet një sasi Kokaine;

u referuan materialet në Prokurori, ku nisi procedimi penal për një shtetas 17 vjeç, banues në Lushnjë, pasi iu gjetën dhjetëra doza Cannabisi, të cilat nga hetimet e deritanishme rezulton se do t’i shiste në afërsi të shkollave të qytetit të Lushnjës.

Materialet procedurale i kaluan Prokurorisë Fier, për veprime të mëtejshme.

lushnje 3 te arrestuar

Sondazh

Poll

MË SHUMË