Politike

Djegia e karrigeve para Parlamentit, Kuvendi u mban një pjesë të pagës së nëntorit dhe dhjetorit Bardhit, Nokës, Nallbatit dhe Hotit

Deputetët mësohet se kanë refuzuar të paguajnë vullnetarisht karriget dhe Kuvendi ua ka mbajtur shumën nga pagat e muajve nëntor dhe dhjetor.

7 Janar 2025, 16:08 Nga N.F
Djegia e karrigeve para Parlamentit, Kuvendi u mban një pjesë të
Djegia e karrigeve

TIRANË- Kuvendi i Shqipërisë u përfshi nga kaos më 30 shtator të vitit që lamë pas teksa deputetët e PD-së i vendosën flakën karrigeve të tyre gjatë momentit kur kryeparlamentarja Elisa Spiropali lexonte vendimin për Ervin Salianjin. Ndërkohë në lidhje me djegien e këtyre karrigeve Kuvendi mësohet se u ka mbajtur një pjesë të pagës së 4 deputetëve të PD-së. 

Mësohet se një pjesë e pagës u është mbajtur Flamur Nokës, Gazment Bardhit, Elda Hotit dhe Bledjon Nallbatit. Ata në seancën e datës 30 shtator 2024, u përfshin në djegien e karrigeve. Deputetët mësohet se kanë refuzuar të paguajnë vullnetarisht karriget dhe Kuvendi ua ka mbajtur shumën nga pagat e muajve nëntor dhe dhjetor.

Sipas faturës, dëmet e shkaktuara janë në shumën 764 mijë lekë (të rinj). Gazment Bardhit i janë mbajtur 209 mijë lekë. Flamur Nokës dhe Bledion Nallbatit nga 187 mijë lekë. Fatura për Elda Hotin ishte 180 mijë lekë. Bardhi sipas dokumentit mësohet se dëmtuar stemën e Kuvendit, karriget dhe tapetin e djegur, si dhe tre të tjerët për karriget dhe tapetin. Dokumenti është i firmosur nga sekretari i Kuvendit, Genci Gjonçaj.

Djegia e karrigeve para Parlamentit, Kuvendi u mban një pjesë të

flamur noka elda hoti kuvend

Sondazh

Poll

MË SHUMË