Sport

Arrestimi brutal i medalistit olimpik Fred Kerley nga policia në Floridën e Jugut…

Sprinteri afrikano-amerikan u nënshtrua një arrestimi të dhunshëm, pasi debatoi me disa oficerë policie, ndërsa përpiqej të shkonte me forcë drejt automjetit të tij të parkuar.

4 Janar 2025, 12:30 Nga DOSJA

Arrestimi brutal i medalistit olimpik Fred Kerley nga policia në

SHBA - Medalisti olimpik i 100 metrave në ‘Paris 2024’, amerikani Fred Kerley, u arrestua dhunshëm në Florida të Jugut pas një konfrontimi me policinë, sipas autoriteteve në atë që duket të jetë një rast i ri i brutalitetit të policisë, ndaj një shtetasi afrikano-amerikan.

Pamjet e kamerave të trupit, të publikuara nga policia e Miami Beach, tregojnë Kerley duke debatuar me një grup oficerësh të enjten mbrëma përpara se të shpërthente një konfrontim fizik me ta.

Kerley u hodh dhunshëm në tokë, ku një oficer e goditi disa herë me grusht dhe më pas përdori një Taser (armë elektroshoku) mbi 29-vjeçarin, 6'3 inç i gjatë, sprinter teksan.

Sipas raportit të arrestimit, oficerët po hetonin një skenë aktive të policisë, kur Kerley iu afrua zonës dhe u përpoq të shkonte me forcë drejt automjetit të tij, i cili ishte parkuar aty pranë.

Oficerët i kishin thënë Kerleyt që të mos lëvizte, por Kerley filloi të debatonte me ta, duke çuar në një përleshje me policinë. Katër oficerë, një prej tyre një grua, u përpoqën të ndalonin Kerley, ndërsa ai rezistoi për t'i shmangur arrestimit, thanë autoritetet.

Pasi u shtang me ‘Taser’, Kerley u dërgua në një spital lokal dhe më pas në burgun e qarkut Miami-Dade. Kerley akuzohet për sulm, rezistencë ndaj një oficeri dhe prishje të qetësisë, por veprimet e agjentëve i kanë vënë flakën rrjeteve sociale dhe veçanërisht komunitetit të sportit, sepse pavarësisht thirrjeve "stop ju lutem" që dëgjoheshin nga agjentët vazhduan të punojnë shumë.

Kerley fitoi medaljen e argjendtë në 100 metra në Lojërat Olimpike të Tokios 2020 dhe të bronztë në të njëjtën garë në Lojërat Olimpike të Parisit 2024. Ai gjithashtu ka fituar gjashtë medalje në Kampionatin Botëror të Atletikës.

B.T (Dosja.al)