Politike

"Tejkaluam objektivat"/ Rama: Paga mesatare 1000 euro për administratën shtetërore

Rama theksoi se tashmë kanë një administratë të motivuar që ka mundësi të shërbej me dinjitet. 

30 Dhjetor 2024, 11:42 Nga I.A
"Tejkaluam objektivat"/ Rama: Paga mesatare 1000 euro për
Edi Rama

TIRANË- Kryeministri Edi Rama ka deklaruar se kanë tejkaluar objektivat për pagën mesatare në vend. Gjatë fjalës me gazetarët, Rama theksoi se paga mesatare për administratën shtetërore ka shkuar në  968 euro. Sipas Ramës, tavani i 1 mijë eurove është vetëm një shtrirje krahu larg. Rama theksoi se tashmë kanë një administratë të motivuar që ka mundësi të shërbej me dinjitet. 

"Kemi shkuar përtej objektivit, që pagat të arrinin në 900 euro. Jemi në 968 euro, tavani i 1 mijë eurove është një shtrirje krahu larg. Kjo ka ardhur si rezultat i rritjes domethënëse të ekonomisë dhe mundësive. Një gjë është të duash të rritësh pagat e pensionet e një gjë është ti rrisësh. Aq më tepër të rriten duke mos vënë në rrezik balancat makroekonikë. Gjetëm një vend të zhytur në borxhe e pluhur, ku vetëm larja e borxheve dhe rikapja e ritmit të financimit të rrugëve të lëna rrugëve që ishin propaganduar si të përfunduara por ishin kontrata të lidhura duke mos pasur paratë, na morën një kohë goxha të madhe. Jemi sot në kushte të tjera, ne nuk kishim një administratë të motivuar dhe që kishte mundësitë të shërbente me dinjitet. Sot e kemi falë transformimit të kalimit të shërbimeve për të cilat deri mbahej radha në shi e diell, dhe paguhej bakshish për të marrë një certifikatë”, tha Rama.

edi rama

Sondazh

Poll

MË SHUMË