Politike

Sulmi ndaj Ambasadës shqiptare në Kiev, Ministria e Jashtme thërret në takim diplomatin rus në Tiranë

Ambasadori ka qëndruar për disa minuta në ambientet e Ministrisë së Jashtme ndërsa nuk dihet se për çfarë është diskutuar konkretisht.

20 Dhjetor 2024, 18:29 Nga E. D
Sulmi ndaj Ambasadës shqiptare në Kiev, Ministria e Jashtme
pamje nga vendngjarja

KIEV- Ministria e Punëve të Jashtme, ka thirrur në takim ambasadorin e Rusisë në Tiranë pas sulmit rus në ambasadën shqiptare në Kiev. Mësohet se ambasadori ka qëndruar për disa minuta në ambientet e Ministrisë së Jashtme ndërsa nuk dihet se për çfarë është diskutuar konkretisht. Gjithashtu Ministria ka postuar në platformën X disa pamje nga dëmet e shkaktuara në ambasadën shqiptare, teksa thekson se u vu në rrezik jeta e personelit diplomatik.

Postimi:

Një seri sulmesh ajrore nga Federata Ruse tronditi Kievin të premten në mëngjes, duke shkaktuar dëme të mëdha në disa zona të kryeqytetit ukrainas. Si pasojë e këtyre sulmeve u dëmtua pjesërisht Ambasada e Republikës së Shqipërisë në Kiev, si dhe ambasadat e pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale.

Ministria për Evropën dhe Punët e Jashtme dënon pa mëdyshje këto sulme brutale. Ky akt i pakuptimtë është një sulm mbi themelet e diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhen respektuar dhe respektuar plotësisht.

ministria e punëve të jashtë

Sondazh

Poll