Sport

Ancelotti: “Mbappé do të jetë në Katar për Kupën Ndërkontinentale!”

I dëmtuar kundër Atalantës të martën, Kylian Mbappé do të humbasë ndeshjen kundër Rayo Vallecano të shtunën, por do të jetë pjesë e grupit të Real Madrid për të luajtur për Kupën Ndërkontinentale në Katar të mërkurën, sipas trajnerit të tij Carlo Ancelotti.

13 Dhjetor 2024, 16:14 Nga DOSJA
Ancelotti: “Mbappé do të jetë në Katar për

SPANJE - Carlo Ancelotti, trajneri i Real Madridit, në konferencën për shtyp para ndeshjes me Rayo Vallecanon, i pyetur për dëmtimin e sulmuesit francez, u shpreh:

“Për Mbappé, dëmtimi në kofshën e majtë, nuk është shumë serioz. Ai nuk do të jetë për ndeshjen e nesërme (të shtunën, kundër Rayo Vallecano në La Liga).

Por ai do të udhëtojë për në Katar (për finalen e Kupës Ndërkontinentale të mërkurën)  dhe do të shohim nëse mund të luajë apo do të jetë pjesë e ndeshjes.

Në çdo rast, ai vjen me ne sepse mendojmë se mund të shërohet nga ky dëmtim. Është shumë e vështirë të thuhet se nga vjen ky dëmtimi. Gjatë dy pushimeve të fundit ndërkombëtare ai ka qëndruar këtu, ka punuar mirë, ka pushuar, kjo është treguar sepse paraqitjet e tij janë përmirësuar shumë kohët e fundit.

Për fat të mirë, është një periudhë e shkurtër, nuk është një dëmtim afatgjatë. Unë nuk mendoj se ai do të humbasë atë që ka arritur së fundmi”.

B.T (Dosja.al)

Sondazh

Poll

MË SHUMË