Sport

Manchester City e mbyll sezonin 23/24 me një fitim prej dhjetëra milionë eurosh...

Klubi i “Qytetarëve” paraqet llogaritë e tij financiare, ndërkohë është në pritje të shqyrtimit të akuzave për mosrespektimin e Fair Play-it financiar.

13 Dhjetor 2024, 12:00 Nga DOSJA

Manchester City e mbyll sezonin 23/24 me një fitim prej dhjetëra

ANGLI - Nuk janë të gjitha lajmet e këqija për Manchester Cityn, i cili po përfundon këtë sezon 23/24, i akuzuar nga parregullsitë e supozuara me Fair Play-in Financiar dhe ato 130 akuza të ngritura. Mbi të gjitha, edhe nga vargu i rezultateve të këqija sportive, të paprecedentë që kur Pep Guardiola mbërriti në stolin e “Qytetarëve”.

Megjithatë, mëngjesin e sotëm klubi anglez prezantoi llogaritë e këtij sezoni dhe, pasi bëri bilanc, demonstron dhe konfirmon fuqinë futbollistike dhe financiare që është në gjendje të grumbullojë në nivel ndërkombëtar. 

Manchester City ka publikuar, se për të tretin vit radhazi ka marrë të ardhura rekord që arrijnë në 715 milionë paund (862.36 milionë euro) dhe një fitim neto prej 73.8 milionë paund (pak mbi 89 milionë euro), nga titujt që ka arritur në 23/24.

Po kështu, “Qytetarët” reflektojnë një fitim prej afro 168 milionë eurosh nga transferimet e lojtarëve, shifër që nuk përfshin shumat milionëshe të Julián Álvarez te Atlético Madrid, Joao Cancelo te Al-Hilal dhe pjesën tjetër të shitjeve nga akademia.

ADN-ja e Cityt

“Ambicia jonë e vazhdueshme për të arritur qëllime të paprecedentë është një shenjë dalluese e organizatës që jemi bërë. Pasioni juaj për sfidën e radhës mbështetet nga planifikimi i qëllimshëm, i detajuar dhe një besim i përbashkët në kulturën e të mësuarit bashkëpunues që kemi ndërtuar.

Kjo qasje organizative tani është pjesë e ADN-së sonë. Është produkt i fokusit të palëkundur në përmirësimin e vazhdueshëm, në çdo aspekt të organizatës, që ka qenë në vend që kur lartësia e tij, Sheikh Mansour u bë kujdestari i klubit në vitin 2008...,"- shpjegoi Khaldoon Al Mubarak, udhëheqësi i lartë i Grupit të Futbollit të Cityt, në një deklaratë.

“ Unë jam i njëjti si pesë muaj më parë, ai që fitoi Premier Ligën e fundit”,- ka pranuar së fundmi Pep Guardiola për Luca Tonin. Përveç atij titulli, titulli i katërt radhazi, një moment historik për kompeticionin, Manchester City fitoi edhe Kupën e Botës për Klube, Superkupën e Evropës dhe Community Shield. 

B.T (Dosja.al)

Sondazh

Poll

MË SHUMË