Sport

“Rasti Mbappe”!... Prokurorët suedezë mbyllin hetimin për "përdhunim", për shkak të provave të pamjaftueshme

Hetimi i hapur në Stokholm në fillim të tetorit për “përdhunim dhe sulm seksual” u mbyll këtë të enjte, njoftoi prokurori në një deklaratë për shtyp. Afera shpërtheu gjatë qëndrimit të Kylian Mbappé në kryeqytetin suedez. Mediat vendase në atë kohë pohuan se kapiteni i Bluve ishte objekt i ankesës, informacion i konfirmuar asnjëherë nga autoritetet.

12 Dhjetor 2024, 11:00 Nga DOSJA

“Rasti Mbappe”!... Prokurorët suedezë mbyllin hetimin

SUEDI - Ky është fundi i një serie që ka rënduar mbi Kylian Mbappé prej dy muajsh. Edhe pse emri i tij nuk ishte përmendur kurrë nga autoritetet suedeze, sulmuesi i Real Madrid u konsiderua, sipas mediave lokale, "arsyeshëm i dyshimtë" (shkalla më e ulët e akuzës në Suedi), pas një ankese për përdhunim në lidhje me ngjarjet që dyshohet se kanë ndodhur në 10 tetor, në një hotel në qendër të Stokholmit, ndërsa Mbappé po qëndronte në kryeqytetin suedez.

 “Unë konsideroj se provat nuk janë të mjaftueshme për të vazhduar hetimin, i cili për këtë arsye është i mbyllur”,- tha në një deklaratë Marina Chirakova, prokurorja përgjegjëse për rastin. Pa përmendur emrin e kapitenit të skuadrës franceze, ajo saktësoi se personi i shënjestruar nga hetimi “nuk ishte njoftuar për një dyshim për krim”.

Mbappé nuk u “ndie kurrë i shqetësuar”

I pyetur për këtë temë në emisionin Clique, të transmetuar fundjavën e kaluar në Canal+, lojtari këmbënguli se “nuk është ndjerë kurrë i shqetësuar” nga kjo aferë. 

“Nuk kam marrë asgjë. Asnjë thirrje, asgjë,- i shpjegoi ai gazetarit Mouloud Achour. - Unë përjetoj të njëjtën gjë si gjithë të tjerët. Disa njerëz kanë folur për këtë në shtyp, por qeveria suedeze nuk ka thënë asgjë. Unë nuk jam i shqetësuar. (...) Është vetëm keqkuptim”.

Kur shpërtheu afera, Mbappé fillimisht denoncoi “lajme të rreme” në rrjetet sociale, duke krijuar një lidhje me mosmarrëveshjen e tij financiare me PSG-në.

Kjo është hera e parë që prokuroria suedeze komunikon që nga 15 tetori, kur konfirmoi denoncimin për një “incident që dyshohet se ka ndodhur më 10 tetor 2024 në një hotel në qendër të Stokholmit”. 

Që atëherë, prokuroria i është përgjigjur pa u lodhur në të njëjtën mënyrë kërkesave, duke treguar se “prokurorja do të dërgojë një njoftim për shtyp kur të ketë informacione të reja për të dhënë” në dosjen AM-152477-24, gjë që ajo e bëri këtë të enjte.

Hetimet u kryen në hotelin Bank, ku kishte qëndruar Mbappe. E kontaktuar, avokati i paditëses, Petra Eklund, nuk ka dashur të “bëjë asnjë koment”. Gjithashtu e kontaktuar, Canu-Bernard, avokati i Kylian Mbappé, nuk është përgjigjur për momentin.

B.T (Dosja.al)

Sondazh

Poll

MË SHUMË