Sport

Presidenti Infantino i përgjigjet kritikëve për Botërorin e Arabisë Saudite në 2034!

Në përgjigje të këtyre shqetësimeve, presidenti i FIFA-s, Gianni Infantino, diskutoi këto kritika gjatë një kongresi të organizatës, duke thënë: "Jemi të vetëdijshëm për kritikat dhe shqetësimet, por kam besim të plotë se mikpritësit tanë do t'i trajtojnë të gjitha çështjet e hapura."

12 Dhjetor 2024, 00:32 Nga DOSJA
Presidenti Infantino i përgjigjet kritikëve për Botërorin e

ZVICER - Disa Organizata Joqeveritare (OJQ) kanë shprehur kritika të forta ndaj vendimit të FIFA-s për t'ia besuar organizimin e Kupës së Botës 2034 Arabisë Saudite. Në një komunikatë të përbashkët, këto OJQ theksojnë disa nga shkeljet e të drejtave të njeriut që sipas tyre janë kryer nga ky vend: "Punëtorë migrantë të shfrytëzuar dhe viktima të racizmit, aktivistë të dënuar me dekada burgim për shprehje paqësore, gra dhe individë LGBTQIA+ që përballen me diskriminim të legalizuar, dhe madje banorë që janë dëbuar me forcë për të bërë vend për projekte shtetërore."

Komunikata, e nënshkruar nga organizata si Amnesty International dhe Human Rights Watch, shton se ky Botëror "do të njolloset nga shtypja, diskriminimi dhe shfrytëzimi në shkallë të gjerë."

Në përgjigje të këtyre shqetësimeve, presidenti i FIFA-s, Gianni Infantino, diskutoi këto kritika gjatë një kongresi të organizatës, duke thënë: "Jemi të vetëdijshëm për kritikat dhe shqetësimet, por kam besim të plotë se mikpritësit tanë do t'i trajtojnë të gjitha çështjet e hapura."

Ai shtoi: "Kemi një transparencë që do të sjellë një ndryshim të vërtetë dhe afatgjatë. Kjo është ajo që presim dhe për çfarë shpresojmë, përmirësime sociale dhe ndikime pozitive në të drejtat e njeriut. Kjo është një nga përgjegjësitë e mikpritjes së një Botërori dhe bota do të jetë natyrisht e vëmendshme."

B.T (Dosja.al)

Sondazh

Poll

MË SHUMË