Politike

Bislimi takohet me eurodeputetin Terras, kërkon trajtimin serioz të aplikimit të Kosovës për anëtarësim në BE

Ai gjithashtu falënderoi Parlamentin Evropian për përkrahjen e vazhdueshme për Kosovën, si në procesin e liberalizimit të vizave, progresit dhe avancimit të Kosovës si dhe rrugëtimit drejt anëtarësimit në Bashkimin Evropian.

11 Dhjetor 2024, 17:34 Nga N.F
Bislimi takohet me eurodeputetin Terras, kërkon trajtimin serioz të
Takimi

KOSOVË- Zëvendëskryeministri i Kosovës, Besnik Bislimi ka zhvilluar ditën e sotme një takim me raportuesin për Kosovë në Parlamentin Evropian, Riho Terras. Sipas njoftimit për media mësohet se Bislimi uroi eurodeputetin për detyrën e tij të re. Ai gjithashtu falënderoi Parlamentin Evropian për përkrahjen e vazhdueshme për Kosovën, si në procesin e liberalizimit të vizave, progresit dhe avancimit të Kosovës si dhe rrugëtimit drejt anëtarësimit në Bashkimin Evropian.

“Më tej, theksoi arritjet e qeverisë përgjatë këtij mandati, nga progresi demokratik e rritja ekonomike, deri te avancimi me zbatimin e reformave në procesin e integrimit evropian. Ai tha se ERA II arriti një shkallë zbatimi prej 72% nga 45% sa ishte në qeverisjet e kaluara, ndërsa në Programin Kombëtar për Integrim Evropian, niveli i zbatueshmërisë së reformave vitin e kaluar arriti në 66.12%, duke përfshirë dhe shumë reforma të papërmbushura me vite me radhë e që gjetën epilog gjatë këtij mandati”, thuhet në njoftim.

Bislimi nënvizoi rëndësinë e avancimit të rrugëtimit të Kosovës drejt BE-së dhe trajtimit serioz të aplikimit të Kosovës të dhjetorit të vitit 2022. Në takim u diskutua dhe rreth sfidave dhe perspektivës në këtë proces, potenciali i Kosovës për progres dhe zhvillim, angazhimi në Planin e Rritjes si dhe procesi i dialogut.

bislimi kosova be riho terras

Sondazh

Poll

MË SHUMË