Politike

Rama: Kuvendi është institucioni që garanton se procesi i integrimit është i harmonizuar dhe transparent

Rama u shpreh se qeveria, pushteti gjyqësor dhe institucionet e drejtësisë duhet të koordinohen për plotësimin e detyrave përkatëse për integrimin.

11 Dhjetor 2024, 17:18 Nga r.ll
Rama: Kuvendi është institucioni që garanton se procesi i
edi rama

TIRANË- Kryeministri Edi Rama tha në takimin, ku të pranishëm ishin edhe ambasadorët e akredituar në vendin tonë për procesin e thellimit të reformave, se secili institucion i vendit ka pjesën e tij në procesin e integrimit. 

Rama u shpreh se qeveria, pushteti gjyqësor dhe institucionet e drejtësisë duhet të koordinohen për plotësimin e detyrave përkatëse për integrimin. Ai u shpreh se Kuvendi i Shqipërisë është inistitucioni i vetëm që i bën gjithë bashkë dhe që garanton se procesi i integrimit është i harmonizuar dhe transparent.

"Në tryezën e negociatave BE nuk negocion me qeverinë por me gjithë Shqipërinë. Secili institucion ka pjesën e vet. Nese duam që 855 masa që lidhen me shtetin e së drejtës, ku 59% të detyrave i ka pushteti gjyqësor dhe institucionet e drejtësisë, duhet të gjithë të biem dakord se duhet të koordinohemi. Në mënyrë që avancimi drejt përfundimit të negociatabve të jetë uniform. Nuk ka kuptim që qeveria i bën të vetat, dhe një pjesë tjetër nuk i bën në kohën e duhur. Cili është institucioni që mund t'i mbledhë të gjithë rreth këtij misioni? Është vetëm një dhe ky është Kuvendi i Shqipërisë. Për natyrën kushtetuese, Kuvendi ka të drejtën dhe detyrën ti thërrasë gjithë dhe t'ju kërkojë dhe llogari. Ky është institucioni që garanton se procesi është i harmonizuar, transparent dhe ka elementin llogaridhënës të gjitha institucioneve. Shqipëria ka tre pushtete, ekzkekutiv, legjislativ dhe gjyqësor. Në ketë proces të tre duhet të udhëhiqen nga sensi për të arritur rezultat.", u shpreh Rama. 

edi rama kuvendi i shqiperise

Sondazh

Poll