Politike

Protesta para bashkisë së Tiranës, Blushi: Është koha për një reagim të fortë para SPAK! Të mblidhemi me datë 6 dhjetor në ora 12:00

Blushi akuzoi kryebashkiakun Erion Veliaj për vjedhje me Inceneratorin e Tiranës dhe tha më tej se mbrohet nga SPAK. 

4 Dhjetor 2024, 12:02 Nga r.ll
Protesta para bashkisë së Tiranës, Blushi: Është koha
protesta

TIRANË- Sekretari i Përgjithshëm i Partisë së Lirisë, Tedi Blushi ka mbajtur fjalën e tij në protestën e organizuar nga opozita dhe Aleanca për Mbrojtjen e Teatrit, para bashkisë së Tiranës. Blushi akuzoi kryebashkiakun Erion Veliaj për vjedhje me Inceneratorin e Tiranës dhe tha më tej se mbrohet nga SPAK. 

Blushi tha se tashmë duhet reagim qytetar edhe para Prokurorisë së Posaçme, ndërsa bëri thirrje për pjesmarrje masive në protestën e 6 dhjetorit në orën 12:00 para SPAK. 

“Kjo është e vetmja ditë në javë kur ai nuk ka mundësi të vjedhë pasi nga frika e protestës ai e braktis këtë godinë. Erion Veliaj mbrohet dhe ka imunitet nga një organizatë kriminale si SPAK. Ne jemi këtu çdo javë dhe kërkojmë drejtësi. Por për fat të keq drejtësia ka mbyllur sytë dhe veshët dhe është bërë palë me këtë hajdut.

Të gjithë e pamë se si Erion Veliaj transportonte letrat drejt burgut të Fierit për të detyruar bedelët e tij të arrestuar që të firmosnin për të shmangur përgjegjësitë penale. Veliaj vjedh me incerenatorin fantazmë të Tiranës 80 mijë euro në ditë, për një shërbim që nuk kryhet dhe drejtësia hesht sepse SPAK dhe Dumani janë tubi i oksigjenit të korrupsionit të përbindshëm në Bashkinë e Tiranës.

Ndaj është koha për një reagim të fortë qytetar përballë edhe tij institucioni që është kthyer sot në partnerin në krim të Edi Ramës dhe Erion Veliajt. Unë u ftoj të gjithëve që në datë 6 dhjetor, në ora 12:00 të protestojmë përpara institucionit që sot mban në këmbë Erion Veliajn dhe pushtetin e Edi Ramës. Që mban në këmbë këtë narkoqeveri dhe këtë narkobashki. Të protestojmë jo për të kërkuar drejtësi, por për të kërkuar për faktin se ai institucion është shndërruar sot në patericën e Edi Ramës dhe Erion Veliajt.", tha Blushi. 

spak tedi blushi protesta para bashkise

Sondazh

Poll

MË SHUMË