Politike

Takimet në Bruksel, Kurti: Ngrita shqetësimet dhe kërkova llogaridhënie në lidhje me kërcënimet e vazhdueshme ndaj sigurisë së Kosovës

Ai ka theksuar se në takimet që kishte edhe me shefen e Politikës së Jashtme të Bashkimit Evropian, Kaja Kallas dhe Komisioneren Evropiane për Fqinjësi dhe Zgjerim, Marta Kos, ka ngritur shqetësimet për kërcënimet e vazhdueshme ndaj sigurisë në vend.

4 Dhjetor 2024, 10:17 Nga N.F
Takimet në Bruksel, Kurti: Ngrita shqetësimet dhe kërkova
Takimi

KOSOVË- Një ditë pas takimit me Presidentin e re të Këshillit Evropian, kryeministri i Kosovës, Albin Kurti ka reaguar për mes një postimi në "X". Kurti shkruan se gjatë takimit të zhvilluar me Presidentin e ri të Këshillit Evropian, Antonio Costa i ka rikonfirmuar përkushtimin e Kosovës për thellimin e marrëdhënieve me BE-në dhe avancimin e anëtarësim.

Ai ka theksuar se në takimet që kishte edhe me shefen e Politikës së Jashtme të Bashkimit Evropian, Kaja Kallas dhe Komisioneren Evropiane për Fqinjësi dhe Zgjerim, Marta Kos, ka ngritur shqetësimet për kërcënimet e vazhdueshme ndaj sigurisë në vend.

“Gjatë takimit tonë dypalësh dhe darkës së përbashkët me gjashtë vendet e Ballkanit Perëndimor, HR/VP Kaja Kallas dhe Komisioneren Evropiane për Fqinjësi dhe Zgjerim, Marta Kos, ngrita shqetësimet në lidhje me kërcënimet e vazhdueshme ndaj sigurisë sonë, duke përfshirë sulmin e fundit terrorist në infrastrukturën tonë kritike, dhe kërkova llogaridhënie”, ka shkruar Kurti.

Ai ka shtuar se bashkëpunimi rajonal duhet të bazohet në marrëdhëniet e fqinjësisë së mirë, të cilat kërkojnë njohje dhe respekt reciprok, llogaridhënie dhe një angazhim të përbashkët për paqen.

kurti antonio costa kosova

Sondazh

Poll