Politike

"Nesër nderojmë Martin Canin", Berisha: Ditën e martë në ora 17:00, Shqipëria marshon në Tiranë!

Berisha shtoi se emigtrantët me lartësinë e burrërisë e tyre ja nxinë fytyrën Ramës dhe përfaqësuan shqiptarët me dinjitetin më të lartë.

24 Nëntor 2024, 20:28 Nga N.F
"Nesër nderojmë Martin Canin", Berisha: Ditën e
Berisha

TIRANË- Kreu i Partisë Demokratike, Sali Berisha ka mbajtur mbrëmjen e sotme fjalën e tij para mbështetësve të mbledhur para banesës. Berisha gjatë fjalës së tij u shpreh se kryeministri Edi Rama kthehet nga Londra, pasi ka hequr çdo maskë. Ai shtoi se protesta e sotme në Londër është një thirrje për të gjithë shqiptarët, të ngrihen në lartësinë e guximit të tyre.

Berisha shtoi se emigtrantët me lartësinë e burrërisë e tyre ja nxinë fytyrën Ramës dhe përfaqësuan shqiptarët me dinjitetin më të lartë. Më tej theksoi se nesër do të mbahen nderime në vendin ku xhelatët në gjirin e shkollës, në krahët e shkollës, i morën jetën Martin Canit. Berisha shtoi se ditën e martë në ora 17:00, Shqipëria marshon në Tiranë pasi Tirana është e qytetarëve.

Fjala e Berishës:

Edi Rama kthehet nga Londra më lakuriq, më i turpëruar, por ska turp, se ai që dilte plazheve të Europës. Edi Rama kthehet nga Londra, pasi ka hequr çdo maskë, pasi ka dëshmuar që është i biri i të atit, që firmoste varjen në litar të kundërshtarëve politikë, ekzekutimin e tyre, pavarësisht nuk kishin asnjë faj. Të dashur miq! Protesta e sotme në Londër është një thirrje për të gjithë shqiptarët, të ngrihemi në lartësinë e guximit tonë.


Në lartësinë e burrërisë të atyre që në mes të Londrës janë nxinë fytyrën Edi Ramës dhe përfaqësuan ne me dinjitetin më të lartë. Ditën e martë në ora 17:00, Shqipëria marshon në Tiranë, Tirana e qytetarëve. Betejë, betejë, betejë. Nesër nderime në vendin ku xhelatët në gjirin e shkollës, në krahët e shkollës, i morën jetën, e vranë publikisht engjëllin, yllin Martin Cani.


Për kujtimin e tij, dhe kundër kësaj bande kriminelësh që nuk ua ndjen për asgjë, përveç se interesave të tyre kriminale. Është radha jonë, është radha jonë, është radha jonë. Fitore, fitore, fitore!

berisha rama martin cani

Sondazh

Poll