Politike

Asllan Dogjani pas daljes nga SPAK: U paraqita për kallëzimin që kam bërë lidhur me vjedhjen e pronës publike në Tiranë

Ai tha se dosjen e këtij denoncimi jua ka dërguar edhe ambasadorëve sepse sipas tij shteti shqiptar nuk funksionon. 

15 Nëntor 2024, 13:41 Nga r.ll
Asllan Dogjani pas daljes nga SPAK: U paraqita për kallëzimin që
asllan dogjani

TIRANË- Deputeti i PD-së, Asllan Dogjani ka folur për mediat pas daljes nga Prokuroria e Posaçme.  Dogjani tha se shkoi në SPAK për kallëzimin që ka bërë lidhur me vjedhjen e pronës publike në Tiranë, vjedhje kjo që sipas tij është bërë në bashkëpunim me Kadastrën.

Ai tha se sot ka marrë kopjet e aktit me CD, ndërsa dosjen e këtij denoncimi jua ka dërguar edhe ambasadorëve sepse sipas tij shteti shqiptar nuk funksionon.  Dogjani akuzon biznesmenin e ndërtimit Ilirjan Çela se ka zaptuar kopshtin publik dhe e ka legalizuar atë për të ndërtuar një tjetër pallat.

"Sot kam marrë edhe banorët edhe ish-pronarët e pallatit ku jetojnë, sepse për këtë kam ardhur edhe sot dhe kam marr kopjet e aktit me cd. Këtu kam edhe një dosje të cilën jua kam çuar edhe ambasadorëve sepse shteti shqiptar nuk funksionon. Kam kërkuar interpelanca, kam bërë debate në parlament i kam kërkuar kryeministri Rama në lidhje me grabitjen e pronës publike. Por ajo që më bën përshtypje është se unë bëj denoncim për vjedhje të pronës publike me korrupsuion. Kam denoncuar publikisht grabitjen e pronës publike në mes të Tiranës në bashkëpunim e Kadastrën. Vetë kadasatra e ka anuluar vendimin e vetë të legalizimit, e kemi kallëzuar në prokurori. Do tu tregoj edhe një fotografi qe tu tregoj se çfarë është legalizuar sepse është shumë interesante. Kjo këtu është ajo nevojtorja që gjoja banonte një Ramazan Gjoshi përpara pallatit, që e ka përdorur për nevojtore për punëtorët kur  ka ndërtuar pallatin ky Ilirjan Çela dhe më pas e ka legalizuar 210 metër katrorë tokë.", tha Dogjani.

asllan dogjani

Sondazh

Poll

MË SHUMË