Politike

Çmimet e larta të banesave/ Berisha: Do të ndërhyjmë me rregullat e tregut! Do të priten me gërshërë narkoinvestimet

Berisha tha se ky është një mekanizmat e përzënies së rinisë jashtë shtetit.

11 Nëntor 2024, 12:58 Nga M.B
Çmimet e larta të banesave/ Berisha: Do të ndërhyjmë
Sali Berisha

TIRANA- Kreu i Partisë Demokratike Sali Berisha foli sot në lidhje me çmimet e larta të banesave në Tiranë. Berisha tha se ky është një mekanizmat e përzënies së rinisë jashtë shtetit. Ai shtoi se PD me ardhjen në pushtet do të ndërhyjë në këtë rast duke bërë rregullimin e tregut. Ai tha se do të ketë zero tolerancë ndaj krimit të organizuar dhe burimeve të tyre financiare.

Pjesë nga fjala e Berishës:

Në fakt e keni shumë të drejtë. Kjo është një mekanizmat e përzënies së rinisë jashtë shtetit. Dhe në përllogaritjet e fundit në rang evropian, Tirana del më e kushtueshme për të blerë banesën se sa Mynihu. Tani a mund të merret me mend se si mund të blihet një banesë në Tiranë nga qytetarët shqiptarë apo nga të rinjtë shqiptarë? E gjithë kjo situatë e tmerrshme u krijua nga narkoeurot dhe droga.

4 miliardë euro të investuara në kullat e drogës dhe korrupsionit dhe larja e miliarda të tjerave, narkoeurove të grupeve kriminale me kryeqytet Dubain, solli këto çmime të paarritshme dhe i bëri banesat në Shqipëri, një mollë të ndaluar për shqiptarët. Do ndërhyhet pa diskutim, por ndërhyrja në tregun e banesave do bëhet me rregullat e tregut. Së pari, do pritet me gërshërët narkoinvestimi.

Do ketë zero tolerancë ndaj krimit të organizuar dhe burimeve të tyre financiare, gjë që do japë një moderim të çmimeve. Janë 54 mijë apartamente, të cilat duhen 40 vite për t’u blerë me ritmet e sotme. Nuk përjashtohet mundësia në çdo rast se burime droge ato konfiskohen dhe do përdoren për strehimin e të pastrehëve. Qeveria nga ana tjetër për të zbutur problemin, do të konsiderojë ndërtesat sociale, ku qytetarët mund të blejnë me çmime të arsyeshme si dhe kreditë e buta për të rinjtë dhe çiftet e reja të pastrehë.

sali berisha

Sondazh

Poll

MË SHUMË