Politike

Rama në Selanik: Më nxjerrin një listë me fotografi e emra ku unë duhet të ndihem përgjegjës moralisht pse drejtësia ka hetuar nga PS-ja

Ai shtoi se nuk mund t'i vijë mirë  për arsye personale, por për arsye të kontratës me shqiptarët që, sipas tij, i kanë dhënë besimin 3 herë rresht, me një vullnet të hekurt PS, shton Rama, ia hoqi duart e pushtetit politik drejtësisë nga qafa.

3 Nëntor 2024, 11:27 Nga M.B
Rama në Selanik: Më nxjerrin një listë me fotografi e emra
Edi Rama

SELANIK- Kryeministri Edi Rama tha sot gjatë takimit me shqiptarët në Selanik se "i nxjerrin" një listë me fotografi e emra ku ai duhet të ndihet përgjegjës moralisht pse drejtësia ka hetuar, po heton e ka akuzuar apo dënuar individë të lidhur me pushtetin e PS. Për këtë Rama tha se krejt e kundërta ndodh me të.

Ai shtoi se nuk mund t'i vijë mirë  për arsye personale, por për arsye të kontratës me shqiptarët që, sipas tij, i kanë dhënë besimin 3 herë rresht, me një vullnet të hekurt PS, shton Rama, ia hoqi duart e pushtetit politik drejtësisë nga qafa.

“Sa herë më marrin në pyetje zëdhënësit e axhendave të ndryshme më nxjerrin lista emrash, apo siç ndodhi me opozitën e vetme që kemi për debat, Blendi Fevziun, më nxjerr një listë me fotografi e emra ku unë duhet të ndihem përgjegjës moralisht pse drejtësia ka hetuar, po heton e ka akuzuar apo dënuar individë të lidhur me pushtetin e PS. Në fakt krejt e kundërta ndodh me mua.

Natyrisht nuk mund të më vijë mirë për arsye personale, por për arsye të kontratës me shqiptarët që më kanë dhënë besimin 3 herë rresht, me një vullnet të hekurt PS plotësisht vetëdijshëm, të gjithë së bashku, ja hoqi duart e pushtetit politik drejtësisë nga qafa dhe i dha gjithë lirinë e nevojshme për të vepruar pa parë majtas e djathtas, por vetëm drejt”, tha Rama.

edi rama

Sondazh

Poll

MË SHUMË