Politike

A do të uleni me Edi Ramën? Bardhi: Nuk do të përsërisim të njëjtin skenar çdo javë…

Bardhi i ftuar në emisionin 'Open' në News24 e quajti Edi Ramën një gënjeshtar, referuar deklaratës së Kryeministrit, i cili tha se përsa kohë do të jetë në këtë pozicion nuk do të jetë problem komunikimi me opozitën.

31 Tetor 2024, 21:55 Nga E. D
A do të uleni me Edi Ramën? Bardhi: Nuk do të
Gazment Bardhi

TIRANË- Kreu i Grupit Parlamentar të PD-së, Gazment Bardhi, tha se me demokraci funksionale do të thotë që edhe të kemi proces zgjedhor të lirë dhe të ndershëm. Bardhi i ftuar në emisionin 'Open' në News24 e quajti Edi Ramën një gënjeshtar, referuar deklaratës së Kryeministrit, i cili tha se përsa kohë do të jetë në këtë pozicion nuk do të jetë problem komunikimi me opozitën.

Gjithashtu ai tha se në janar, kur opozita ishte në aksionin opozitar, ka pasur diplomatë që ishin të shqetësuar për atë që po ndodhte në atë kohë. Më tej BArdhi u shpreh se Ervin Salianjin e çuan në burg, ndërkohë që vendimi i Gjykatës nuk është shpallur. 

“Në kohën e qeverisë së PD-së, Sali Berisha e ftonte Edi Ramën dhe e lejonte të shkruante Kodin Zgjedhor siç ai e mendonte. Sot ai bëri një deklaratë që i hedh hi syve Ambasadorit të BE-së. Sot nuk kemi shpallur asnjë aksion në Kuvendin e Shqipërisë. Ne nuk kemi shpallur as bojkot, as dorëzim mandatesh, as normalitet, as ikje, por do i përgjigjemi hap pas hapi, ashtu siç vepron një opozitë normale që nuk mbyll sytë. Ne mund t’i digjnim karriget brenda Kuvendit, djegia e karrigeve nuk është dhunë. Ne do të aplikojmë forma të ndryshme dhe do të japim mesazhet që duam të japim," tha Bardhi. 

gazment bardhi

Sondazh

Poll

MË SHUMË