Sport

Bonucci, jeta e re me Italinë, i bashkohet stafit U-20: “Krenar dhe i emocionuar”...

Ish-mbrojtësi bëhet bashkëpunëtor i trajnerit Bernardo Corradi: do të jetë pjesë e skuadrës italiane në Botërorin 2025 në Kili.

22 Tetor 2024, 20:26 Nga DOSJA

Bonucci, jeta e re me Italinë, i bashkohet stafit U-20: “Krenar dhe i

ITALI - Fillon një jetë e re për Leonardo Bonuccin. Ish-mbrojtësi në fakt është gati të rikthehet në kombëtare me një rol krejtësisht të ri. Pasi u tërhoq nga futbolli verën e kaluar, ai tani do t'i bashkohet stafit të Italisë U-20, si bashkëpunëtor i trajnerit Bernardo Corradi.

"Jam krenar që pranova propozimin e presidentit Gravina. Rikthimi për të veshur uniformën azzurre do të jetë vërtet emocionues, falë edhe trajnerit për këtë mundësi të madhe",- deklaroi Bonucci. 

Kështu, historia e Bonuccit vazhdon, pasi ai bëri debutimin e tij me kombëtaren e Italisë më 3 mars 2010 në moshën 22-vjeçare. Në total ai ka 121 ndeshje dhe tetë gola me fanelën e Italisë, një aventurë që kulmoi me triumfin evropian në Wembley në 2021 kundër Anglisë. 

"Leonardo kthehet në shtëpi, - deklaron presidenti i FIGC, Gabriele Gravina, - ai e bën këtë në një rol tjetër, por me të njëjtin entuziazëm dhe dashuri si gjithmonë për bluzën blu.

Siç kemi bërë tashmë me Daniele De Rossi, ne jemi të lumtur që do të jemi në gjendje t'u ofrojë një mundësi maturimi kampionëve italianë, që ndërmarrin një karrierë si trajner. Jam i bindur se Leo mund të rritet shumë në ekipin.

Dëshira për t'u bërë trajner te Bonucci po merr gjithnjë e më shumë formë dhe vitin e ardhshëm ish-numri ‘19’ do të jetë në gjendje të vërë në dispozicion përvojën e tij për talentët U-20 gjatë Botërorit që do të zhvillohet në Kili: synimi është të hakmerret për humbjen e fundit në 2023 kundër Uruguajit”. 

B.T (Dosja.al)

Sondazh

Poll

MË SHUMË