Sport

'The Athletic' kritikon FIFA-n për praninë e Inter Miami në Kupën e Botës për Klube...

Publikimi vë në dyshim motivet e vërteta të Gianni Infantinos

22 Tetor 2024, 15:00 Nga DOSJA

'The Athletic' kritikon FIFA-n për praninë e Inter Miami

ANGLI - Gianni Infantino, lideri kryesor i FIFA-s, vendosi të zgjedhë Inter Miami, si klubin e 31-të në Kupën e Botës FIFA, e cila do të luhet në vitin 2025. Skuadra e Amerikës së Veriut, e drejtuar nga David Beckham, ka në radhët e saj yllin argjentinas Lionel Messi dhe, sipas ndaj ‘The Athletic’, kjo është arsyeja e këtij vendimi.

Teksa Inter Miami arriti këtë vend, pasi fitoi 'Mburojën e Mbështetësit', një titull simbolik që i jepet klubit që regjistroi sezonin më të mirë në sezonin e rregullt të MLS, botimi anglez drejton gishtin te organi më i lartë drejtues i futbollit botëror.

"FIFA as nuk po e fsheh më këtë. Kur ju nevojitet dëshpërimisht një marrëveshje e madhe për të drejtat e transmetimit dhe disa sponsorë të mëdhenj amerikanë në muajt e ardhshëm, koha për t'i bërë gjërat në mënyrë delikate ka kaluar. Nëse gjithçka ju duket shumë e papërshtatshme, kjo është për shkak se kështu është bërë”, raporton ‘The Athletic’.

“Duke shpikur në mënyrë të ngathët rregullat dhe duke u dhënë një vend atyre që fituan ‘Mburojën e Mbështetësit’, në vend që t'i japin kampionit të MLS-së (të cilin Inter Miami ende mund ta fitojë), ata e lënë veten të ekspozuar ndaj talljeve”,- thekson artikulli.

Kujtojmë që Inter Miami do ta hapë kompeticionin më 15 qershor 2025, në stadiumin Hard Rock. Botërori zhvillohet në Shtetet e Bashkuara nga data 15 qershor deri më 13 korrik.

B.T (Dosja.al)

 

Sondazh

Poll

MË SHUMË