Politike

Komisioni për Shëndetësinë/ "Të kthehen deputetët e përjashtuar", Vokshi: Kam kërkuar të merren masa për Ndrecën, Braçen dhe drejtuesin e Gardës së Kuvendit

Vokshi tha se socialistët po përpiqen të mbyllin komisionin me qëllim që të fshehin abuzimet me koncesionet e shëndetësisë.

11 Tetor 2024, 10:23 Nga DOSJA
Komisioni për Shëndetësinë/ "Të kthehen
vokshi, ndreca

TIRANË- Deputetja demokrate, Albana Vokshi, njëkohësisht kryetare e Komisionit Hetimor për Koncesionet në Shëndetësi ka kërkuar anulimin e mbledhjes së sotme të komisionit.  Vokshi tha se socialistët po përpiqen të mbyllin komisionin me qëllim që të fshehin abuzimet me koncesionet e shëndetësisë.

“Keni futur në shinat e paligjshmërisë për ta dështuar por kjo s’ka për të ndodhur. Mos mendoni se duke e rrëmbyer do fshihni abuzimet 200 mln euro”, tha Vokshi. Ajo ka kërkuar të kthehen deputetët e opozitës të përjashtuar nga punimet e Kuvendit. 

Lidhur me mbledhjen e kaluar të këtij komisioni, e cila u shoqërua me përplasje dhe tensione të vazhdueshme, Vokshi tha se deputët e opozitës kanë kërkuar kryetares së Kuvendit, Elisa Spiropalit zëvendësimin e Plarent Ndrecës i cili mban postin e nënkryetarit. Gjithashtu kërkon të nisin procedurat për masa disiplinore ndaj Ndrecës dhe administratës që 'ka penguar hetimin parlamentar' sic thotë ajo.

"I kemi dërguar një shkresë kryetares së Kuvendit, Elisa Spiropali, të fillojë procedurat parlamentare për zëvendësimin e zv.kryetarit dhe sekretarit të komisionit që kanë shkelur rregulloren dhe ligjin për komisionet hetimore. Të paralajmëroi 6 deputetët e tjerë për shkeljet që janë bërë në këtë komision. Të urdhërojë lejimin e anëtarëve të opozitës në Komisionin Hetimor. Komisionet hetimore funksionojnë me ligje të veçanta. 5 deputetët e përjashtuar me firmë të Bushkës të jenë këtu prezent. Të nisë procedura për marrjen e masave disiplinore për deputetët  dhunues verbale, Plarent Ndreca, Ilir Metaj dhe Erion Braçe, të nisë masave disiplinor për sekretarin e përgjithshëm dhe gjitha administratës që ka penguar komisionin. Kemi bërë kërkesë në Sekretariatin e Etikës për përjashtimin e deputetëve dhunues për këta deputetë, kemi përgatitur edhe kallëzim penal për këdo që ka penguar hetimin parlamentar.", është shprehur ajo.

albana vokshi komisioni për shendetesine

Sondazh

Poll

MË SHUMË