Politike

FOTOLAJM/ "Mik i madh i Shqipërisë dhe shqiptarëve!" Nga portreti i Ismail Qemalit në zyrë te mbajtja e Erdogan nga krahu, Rama publikon pamjet nga vizita e djeshme e presidentit turk

Rama dhe Erdogan nënshkruan dje marrëveshje me karakter ekonomik mes dy shteteve. 

11 Tetor 2024, 08:12 Nga M.B
FOTOLAJM/ "Mik i madh i Shqipërisë dhe shqiptarëve!"
Recep Tayyip Erdogan dhe Edi Rama

TIRANA- Kryeministri Edi Rama ka publikuar disa foto nga vizita e djeshme e Presidentit të Turqisë, Recep Tayyip Erdogan në Tiranë. Në një postim në rrjetet sociale, Rama e quan Erdogan mik të madh të Shqipërisë dhe shqiptarëve. Rama dhe Erdogan nënshkruan dje marrëveshje me karakter ekonomik mes dy shteteve. 

Një prej marrëveshjeve ishte “deklarata e synimit mbi bashkëpunimin në fushën e sigurimeve në bujqësi të mbështetur nga shteti midis Ministrisë së Bujqësisë dhe Zhvillimit Rural të Republikës së Shqipërisë dhe Ministrisë së Bujqësisë dhe Pylltarisë të Republikës së Turqisë”.

Marrëveshja e radhës ishte “Protokoll ndërmjet Ministrisë së Arsimit dhe Sportit të Republikës së Shqipërisë dhe Këshillit të Lartë të Arsimit të Republikës së Turqisë për Hapjen e Degës, Njësisë Akademike, Programeve të Studimit nga Universiteti Teknik i Stambollit në Shqipëri”.

Marrëveshja e tretë ishte ajo për “Memorandumi i Mirëkuptimit ndërmjet Agjencisë për Media dhe Informim të Republikës së Shqipërisë dhe Drejtorisë së Komunikimit të Presidencës së Republikës së Turqisë për bashkëpunim në fushën e marrëdhënieve me publikun dhe komunikimin”.

Gjatë konferencës për shtyp me Erdogan, Rama njoftoi se Shqipëria do të marrë dronë kamikazë për ushtrinë tonë, si një dhuratë që i vjen nga Turqia.

 

edi rama

Sondazh

Poll

MË SHUMË