Politike

Dorëzoi mandatin e deputetit një ditë më parë, Jurgis Çyrbja thirret sërish në SPAK

Sipas raportimeve, Çyrbja është njoftuar për t’u paraqitur këtë të premte në orën dhjetë.

11 Tetor 2024, 09:12 Nga r.ll
Dorëzoi mandatin e deputetit një ditë më parë, Jurgis
jurgis cyrbja

TIRANË- Një ditë pasi dorëzoi mandatin e deputetit në Kuvend, Jurgis Çyrbja është thirrur sërish në Prokurorinë e Posaçme. Sipas raportimeve, Çyrbja është njoftuar për t’u paraqitur këtë të premte në orën dhjetë.

Ditën e djeshme, socialisti tha për mediat se dorëheqja e tij nuk lidhet me thirrjen dhe paraqitjen në Prokurorinë e Posaçme, para dy ditësh. Ai është shprehur se nuk ka asnjë shqetësim të natyrës ligjore, por ka nevojë të kujdeset për shëndetin.

Tre ditë më parë, tashmë ish-deputeti, u thirr në Prokurorinë e Posaçme, ku është marrë në pyetje për 5 orë. Teksa ka dalë nga SPAK, Çyrbja pas interesimit të gazetarëve se pse është marrë në pyetje ka deklaruar se nuk është i pandehur. Sipas informacioneve, Çyrbja është paraqitur për një kallëzim të Edi Palokës, për kohën kur ai ka qenë drejtor Hipoteke. Ai u kallëzua në SPAK nga Partia Demokratike ne vitin 2021 për “shpërdorim detyre”.

jurgis cyrbja spak

Sondazh

Poll