Sport

Gjashtë prej anëtarëve të familjes së Pogbas, në gjyq për rrëmbimin e lojtarit!... Vëllai i Paul në mesin e të implikuarve

Të dyshuarit i kërkuan futbollistit pagesën prej 13 milionë eurosh

10 Shtator 2024, 17:30 Nga DOSJA

Gjashtë prej anëtarëve të familjes së Pogbas, në

FRANCE - Agjencia AFP zbulon këtë të martë se sistemi i drejtësisë franceze ka vendosur të referojë gjashtë anëtarët e familjes së Paul Pogba, përfshirë vëllain e tij Mathias, në një gjykatë penale për rrëmbimin dhe zhvatjen e futbollistit, në vitin 2022.

Pesë prej këtyre personave do të kenë organizuar një takim me lojtarin në Paris, me qëllim që ta detyronin që t'i ndihmojë financiarisht, gjoja në emër të 'miqësisë'. Por mesfushori, ndërkohë i pezulluar për doping, u rrëmbye dhe u grabit nga dy persona të paidentifikuar, të cilët kërkuan pagesën prej 13 milionë eurosh.

Gjyqtarët, sipas urdhrit të konsultuar nga AFP, konsideruan se "nuk ishte, siç pretenduan disa nga të akuzuarit, një takim i thjeshtë 'miqësor', por fakte që lidhen me ligjin penal".

Mathias, i cili nuk ishte në mbledhje atë natë, dyshohet se i ka bërë “presion vëllait dhe familjes së tij për të garantuar pagesën e 13 milionë eurove”. Gjatë hetimeve, ai pretendoi se kishte frikë për sigurinë e tij dhe të familjes dhe më pas pranoi në gjykatë se ishte manipuluar nga të dyshuarit e tjerë. 

Kujtojmë, se ndërkohë Paul Pogba u pezullua në shkurt të këtij viti për katër vjet, pasi doli pozitiv për testin antidoping, teksa luante për Juventusin. 31-vjeçari francez nuk ka bërë të ditur përfundimin e karrierës së tij. 

B.T (Dosja.al)

Sondazh

Poll