Sport

Zidane tregon pse refuzon të drejtojë klubet angleze: “E di që ka trajnerë që pranojnë...”

Trajneri francez refuzoi ftesën e Manchester United në verë

9 Shtator 2024, 16:09 Nga DOSJA

Zidane tregon pse refuzon të drejtojë klubet angleze: “E di

ANGLI - Zinedine Zidane ka shpjeguar në një intervistë për gazetën franceze 'L'Équipe' se nuk i pranon ftesat në Premier League, sepse flet anglisht dobët.

Ish-ylli francez, i cili ka qenë i papunë që nga largimi nga Real Madrid në vitin 2021, është lidhur me klubet angleze, madje verën e kaluar emri i tij u përmend për Manchester United, por ai e konsideron gjuhën si një faktor përcaktues.

"A do të doja të shkoja në Manchester United? Unë kuptoj anglisht, por nuk e flas rrjedhshëm. E di që ka trajnerë që pranojnë të drejtojnë klube edhe pa folur gjuhën e vendit, por unë punoj ndryshe",- shpjegoi Zidane, aktualisht 52 vjeç.

"Ka shumë elementë për të fituar, është një kontekst global. Unë e di se çfarë më duhet për të fituar",- shtoi ish-futbollisti, i cili gjithashtu ka refuzuar ftesat për të punuar për disa ekipe kombëtare, si dhe klube angleze apo dhe Bayern Munich.

Zidane nuk është shprehur se kur do të kthehet në pankinë. Ai theksoi se do të pranojë vetëm një propozim që është në përputhje me ambiciet e tij.

B.T (Dosja.al)

Sondazh

Poll

MË SHUMË