Aktualitet

EMRAT/ Futën në makinë pa dëshirë 44-vjeçarin dhe e kërcënuan për motive të dobëta, arrestohen dy vëllezërit në Durrës

Për pasojë pasi u arrestuan, vëllezërve iu sekuestrua makina dhe 3 telefona.

31 Gusht 2024, 11:49 Nga S.B

EMRAT/ Futën në makinë pa dëshirë 44-vjeçarin

DURRËS- Dy vëllezër kanë rënë në pranga ditën e sotme në Durrës. Mësohet se Aleksandër Gecaj 25 vjeç dhe Lalush Gecaj 29 vjeç, morën pa dëshirë një 44-vjeçar në makinën e tyre dhe e çuan në zonën e Kënetës.

Nga aty vëllezërit kërcënuan “pengun” e tyre për motive të dobëta. Për pasojë pasi u arrestuan, vëllezërve iu sekuestrua makina dhe 3 telefona.

Njoftimi i Policisë:

Durrës

Morën në makinë pa dëshirën e tij një 44-vjeçar dhe e kërcënuan për motive të dobëta, Policia kapi dhe vuri në pranga dy vëllezërit.

Specialistët për Hetimin e Krimit të Stacionit të Policisë Plazh, pas kallëzimit të marrë nga shtetasi B. Sh., 44 vjeç, banues në lagjen nr. 13 Durrës, se ishte marrë pa dëshirën e tij në makinë nga dy vëllezër të cilët e kishin çuar në zonën e Kënetës dhe e kishin kërcënuar për motive të dobta, menjëherë kanë organizuar punën për kapjen e autorëve.

Si rezultat i veprimeve të shpejta, shërbimet e Policisë lokalizuan, kapën dhe shoqëruan në Stacionin e Policisë Palzh, Durrës dy vëllezërit e dyshuar.

Në përfundim të veprimeve të para hetimore u bë arrestimi në flagrancë i shtetasve:

Aleksandër Gecaj 25 vjeç, dhe Lalush Gecaj 29 vjeç,(vëllezër), banues në Durrës.

Në cilësinë e provës materiale u sekuestruan automjeti dhe tre aparate celular.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale "Heqja e paligjshme e lirisë”, kryer në bashkëpunim.

durres

Sondazh

Poll

MË SHUMË