Sport

Ishte dita e testimit fizik për Real Madridin

Real Madridi është rikthyer në stërvitje pas dy ditëve pushim që Ancelotti i dha skuadrës

21 Gusht 2024, 16:30 Nga DOSJA
Ishte dita e testimit fizik për Real Madridin

SPANJE - Pas dy ditësh pushim, pas barazimit të së dielës në Mallorca (1-1), lojtarët e Real Madridit u rikthyen në stërvitje në qytetin sportiv Valdebebas, ku në qendër të skenës ishte italiani Antonio Pintus, trajner fizik.

Me vetëm dy mungesa për shkak të dëmtimit, David Alaba dhe Eduardo Camavinga, lojtarët ‘los blancos’ kryen teste fizike, me një me intensitet të lartë për të kontrolluar gjendjen e tyre aktuale të formës pas parasezonit dhe për të rritur ritmin për tre ndeshjet e LaLiga EA Sports, para ndeshjes së pare pas pushimit të kombëtares.

Disa teste në të cilat protagonistë ishin maskat e hipoksisë, të cilat tashmë janë një tjetër mjet pune në planifikimin fizik të Pintus.

Këto vendosen mbi gojën dhe hundën e futbollistëve, rregullojnë oksigjenin që hyn në trup dhe matin rrahjet e zemrës dhe gjendjen e përgjithshme të çdo lojtari, duke simuluar një seancë stërvitore shumë të kërkuar, sikur ata të stërviteshin në lartësi dhe me shpejtësi të madhe, paçka se ata punojnë në barin e Real Madrid Sports City në Valdebebas.

Kjo ishte stërvitja e mëngjesit për Real Madridin, katër ditë përpara se të presë  Valladolidin në ndeshjen e ligës së parë në Santiago Bernabéu, të dielën, në orën 17:00, në një ndeshje që do të shënojë edhe të parën për francezin Kylian Mbappé, si lojtar i Real Madridit në shtëpi.

B.T (Dosja.al)

Sondazh

Poll

Sport 21 Gusht 2024, 13:20

Benzema kërkon Manen te Al-Ittihad…

ARABIA SAUDITE - Al-Ittihad po planifikon të marrë yllin e Al-Nassr, senegalezin Sadio Mane, me kërkesë të Karim Benzema. Sipas mediav...

MË SHUMË