Sport

Ish-zv.presidenti i Federatës Kineze dënohet me 11 vjet burg për korrupsion...

Ish-zv.presidenti i Federatës Kineze, Li Yuyi u dënua me njëmbëdhjetë vjet burg dhe një gjobë të rëndë si pjesë e një fushate të gjerë për të luftuar korrupsionin.

19 Gusht 2024, 10:52 Nga DOSJA
Ish-zv.presidenti i Federatës Kineze dënohet me 11 vjet burg për

KINE - Li Yuyi, ish-numri 2 i Federatës Kineze të Futbollit, u dënua me njëmbëdhjetë vjet për marrje ryshfeti, në kuadër të një fushate të gjerë nga shteti kundër korrupsionit mes nëpunësve civilë.

Ish-udhëheqësi u gjobit gjithashtu me afro 127 mijë euro, ndërsa pasuria tjetër që ai ka marrë përmes korrupsionit do t'i konfiskohet dhe do t'i dorëzohet shtetit, tha gjykata e Jingzhou, ku ai u gjykua.

Në mars, Li tashmë u deklarua fajtor për përfitimin e pozicionit të tij në FA kineze për të grumbulluar para dhe dhurata me vlerë më shumë se 1.5 milionë euro midis 2004 dhe 2021.

B.T (Dosja.al)

Sondazh

Poll