Sport

De Ligt godet një makinë dhe nuk ndalon: "Rrezikon burg ose gjobë!"…

Ish-lojtari i Juventusit mesa duket ka përplasur një makinë dhe nuk është ndalur, policia po heton aksidentin

9 Gusht 2024, 17:21 Nga DOSJA
De Ligt godet një makinë dhe nuk ndalon: "Rrezikon burg ose

GJERMANI - Probleme për mbrojtësin e Bayern Munichut, Matthijs De Ligt. Ish-lojtari i Juves është nën hetim për mosdhënie ndihme. Sipas asaj që u raportua nga kolegët e tij gjermanë te "Bild", më 7 gusht lojtari përplasi Audi Q8 E-tron me një makinë tjetër pranë qendrës stërvitore të Bayernit në Mynih, pa u ndalur.

Faktet datojnë që në mëngjesin e së mërkurës, policia tani po kryen hetime të mëtejshme për të kuptuar se si kanë ndodhur në të vërtetë gjërat.

"Fakti mund t'i kushtojë lojtarit të "Portokallinjve" deri në 3 vite burg, pasi një dëshmitar e kishte njohur dhe ka kontaktuar me policinë. Makina e përplasur nga De Ligt u largua me karrotres, pasi nuk mund të lëvizte pas aksidentit.

Për më tepër, Bild kontaktoi me avokatin Marc Wederhake, i cili shpjegoi se çfarë mund të rrezikonte ish-lojtari i Juventusit nëse shpallet fajtor: "Nëse përcaktohet fajtor, rrezikon deri në tre vjet burg ose gjobë. Shpesh, kur gjykohesh për krime të tilla, dikush anon drejt një gjobe,” tha ai.
Për më tepër, do të duhet gjithashtu të demonstrohet nëse mbrojtësi e vuri re në të vërtetë atë që ndodhi.

B.T (Dosja.al)

Sondazh

Poll

MË SHUMË