Sport

Kryeministri Rama përgëzon xhudistet kosovare për medaljet olimpike: “Jam krenar që jam miku juaj dhe i shërbeni Shqipërisë”...

Ai përmes rrjeteve sociale ka përgëzuar xhudistet kosovare, duke kujtuar faktin që ato janë pjesë e Forcave të Armatosura të Shqipërisë.

7 Gusht 2024, 20:30 Nga DOSJA

Kryeministri Rama përgëzon xhudistet kosovare për medaljet

TIRANE - Kryeministri i Shqipërisë, Edi Rama, ka thënë se është shumë i lumtur dhe krenar që është mik i medalisteve olimpike të Kosovës, xhudistet Distria Krasniqi dhe Laura Fazliu.

Ai përmes rrjeteve sociale ka përgëzuar xhudistet kosovare, duke kujtuar faktin që ato janë pjesë e Forcave të Armatosura të Shqipërisë.

“I lumtur dhe krenar që jam miku juaj, e që ju nderoni Kosovën botërisht dhe i shërbeni edhe Forcave të Armatosura të Shqipërisë”, ka shkruar Edi Rama në Facebook.

Distria Krasniqi ka fituar në “Paris 2024” medaljen e argjendtë në kategorinë deri 52 kilogramë. Ajo e kishte fituar medaljen e artë në “Tokio 2020”.

Ndërkohë Laura Fazliu fitoi medaljen e bronztë në kategorinë deri 63 kilogramë.

B.T (Dosja.al)

Sondazh

Poll