Sport

SHBA gjen trajnerin e ri: Pellegrino Matarazzo thotë ‘Po’, Hoffenheim dyshon...

Trajneri me origjinë nga Wayne (New Jersey) u tha drejtuesve të Hoffenheim se do të dëshironte të pranonte propozimin e Federatës Amerikane të Futbollit dhe të ulej në stolin e kombëtares

5 Gusht 2024, 07:30 Nga DOSJA
SHBA gjen trajnerin e ri: Pellegrino Matarazzo thotë ‘Po’,

SHBA - Kërkimit për një trajner në Shtetet e Bashkuara të Amerikës po i vjen fundi. Pas shkarkimit të Gregg Berhalter, Federata e Futbollit e Shteteve të Bashkuara (USWNT) kishte disa trajnerë që konkurronin për ta pasuar atë.

Objektivi prioritar ishte Jürgen Klopp, por ish-menaxheri i Liverpool-it e refuzoi me mirësjellje ofertën. Për një periudhë të caktuar u fol edhe për Patrick Vieira-n, i freskët nga shkëputja e papritur me Strasburgun, por asgjë nuk doli.

Megjithatë, tani, sipas asaj që është konstatuar nga Sky Sport DE, është identifikuar i zgjedhuri me fat: ai është Pellegrino Matarazzo, udhërrëfyesi aktual teknik i Hoffenheim.

46-vjeçari, i cili e mori detyrën në shkurt të vitit 2023, ka kontratë me Bundesligën deri në vitin 2026. Sipas mediave gjermane, ai tashmë ka zhvilluar bisedime me Federatën e Futbollit të SHBA-së.

Çfarë mungon për të mbyllur? I bindur nga fjalët e tyre, trajneri me origjinë nga Wayne (New Jersey) u tha drejtuesve të Hoffenheim se do të dëshironte të pranonte propozimin e Federatës Amerikane të Futbollit dhe të ulej në stolin e kombëtares.

Megjithatë, klubi gjerman ende nuk ka marrë një vendim. Nëse Matarazzo emërohet trajner i Shteteve të Bashkuara, ai do të ketë përgjegjësinë për të udhëhequr skuadrën në Kupën e Botës 2026.

B.T (Dosja.al)

Sondazh

Poll

MË SHUMË