Aktualitet

Bilanci i tërmetit/ Shemben 43 objekte në Durrës, 12 shkolla të dëmtuara, 7071 nxënës transferohen në objekte të tjera

9 Dhjetor 2019, 13:10 Nga DOSJA
Bilanci i tërmetit/ Shemben 43 objekte në Durrës, 12 shkolla

Durrës- Pas tërmetit tragjik të 26 nëntorit dëmet materiale janë të shumta në Durrës, Tiranë dhe Kurbin.

Në Bashkinë e Durrësit deri më tani janë shembur 43 objekte dhe 12 institucione arsimore janë të dëmtuara. 7071 nxënës të këtyre shkollave janë transferuar në objekte të tjera.

Zyra e drejtuesit Qendror të Operacioneve për Menaxhimin e Fatkeqësisë Natyrore bëri publike shifrat:

INSPEKTIME

6048 objekte të inspektuara gjithsej deri tani në Qarkun Durrës.

Bashkia Durrës – 1963 Objekte të inspektuara, 639 të pabanueshme, 88 për tu prishur;
Bashkia Krujë – 2428 Objekte të inspektuara, 910 të pabanueshme, 27 për t’u prishur;
Një informacion shtesë për Bashkinë Krujë: Është kryer dje shembja me lëndë plasëse e një masivi shkëmbor, i cili ishte në rrezik shembje dhe përbënte rrezik për banesat poshtë tij.
Bashkia Shijak – 1657 Objekte të inspektuara, 901 të pabanueshme, 345 për t’u prishur;

OBJEKTE TË SHEMBURA
43 objekte të shembura gjithsej deri tani në Qarkun Durrës

Bashkia Durrës

Janë prishur gjithsej 31 objekte nga të cilat:
2 pallate (5-katësh dhe 6-katësh) janë prishur me shpërthim të kontrolluar nga forcat xhenio të Ministrisë së Mbrojtjes)
3 hotele  (Hotel “Gostivari” 6-katësh,  Hotel “Vila Verde” 5-katësh, Hotel “Ljubjana” 5-katësh

26 objektet e tjera kanë qenë me funksion banimi.

Aktualisht, po prisht një objekt në Durrës.

Thumanë, Bashkia Krujë;
10 objekte janë prishur gjithsej, nga të cilat:
1 Shkollë 9-vjeçare në Thumanë,  objekt 2-katësh;
2 pallate 2-katëshe;
7 pallate 5-katëshe.

Bubq, Bashkia Krujë:
2 objekte  janë prishur gjithsej, nga të cilat:
1 shkollë,  Shkolla  9-vjecare në fshatin Bubq, Bashkia Krujë;
1 pallat  2-katësh;

Në të gjitha objektet e shembura po punohet me procesin e pastrimit të inerteve.

Në Bashkinë Durrës, janë dëmtuar 12 institucione arsimore,  dhe 7071 nxënës të këtyre shkollave janë transferuar në 15 shkolla të tjera pritëse

Tërmeti i 26 nëntorit rezultoi tragjik, pasi humbën jetën 51 persona, mbi 900 të tjerë u lënduan dhe 47 u nxorën gjallë nga rrënojat. Ky tërmet shkaktoi edhe shumë dëme materiale, mijëra banesa janë dëmtuar dhe për këtë Rama ka ngritur Komitetin e Rindërtimit. Në total personat e prekur nga tërmeti janë rreth 13 mijë.

Shqipëria ka marrë ndihma të shumta nga disa vende, si Itali, Greqia etj.

J.V, A.M/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet bilanci i termetit situata pas termetit tragjedia e 26 nentorit 2019 bilanci i termetit situata pas termetit tragjedia e 26 nentorit 2019

Sondazh

Poll

MË SHUMË