Politike

"Kur do me shku mirë me komshiun, ngreje pak gardhin", Shehi për heqjen e ligjit të luftës: Sytë e Shqipërisë duhet të jenë nga Brukseli

Shehi tha se shqiptarëve nuk iu duhet patriotizmi ekstrem dhe as patetizmi politik.

18 Korrik 2024, 12:12 Nga r.ll
"Kur do me shku mirë me komshiun, ngreje pak gardhin", Shehi
dashamir shehi

TIRANË- Kreu i LZHK-së, Dashamir Shehi, gjatë fjalës së tij në Kuvend, përshëndeti nismën për heqjen e ligjit të luftës me Greqinë. Shehi tha se shqiptarëve nuk iu duhet patriotizmi ekstrem dhe as patetizmi politik. Ai u shpreh se të dy vendet duhet të sheshojnë problematikat, ndërsa sytë e Shqipërisë duhet të jenë nga Brukseli.

“Greqia nuk i shpalli luftë Shqipërisë, por Çamërisë. Ka ardhur koha që ky ligj të hiqet, por mos të keqpërdoret. Zoti Rama i bën një koncesion patriotizmash shqiptare, në mënyrë që të rreshtohemi pak nga krahu tjetër. Por nuk duhet të jetë kjo filozofia. Kemi pasur me Greqinë të gjithë zigzaket tona. Ka mbetur çështja e detit. Kemi pasur ligjin e luftës dhe çështje e pronave çame. Këtë çështje duhet ta përmendim. Ka shumë shqiptarë që janë integruar në Greqi, pasi janë garancia që marrëdhënies mes dy vendeve do të përmirësohet. Këto probleme kanë qenë dhe 30 vjet më parë. Edhe mua më pëlqen ajo fryma e deklaratës  Nuk na duhet patriotizmi ekstrem dhe as patetizmi politik, për ta kujtuar të kaluarën duke qarë, pasi nuk ka vlerë në politikë. Duhet të bëjmë një real politik me Greqinë. Na pëlqejnë, s’na pëlqejnë. Ne duhet të bindin veten dhe ta ushqejmë me rrugëtimin drejt Brukselit, pasi është e vetmja alternativë e Shqipërisë më e mirë. Duhet të kemi kurajon që t’i sheshojmë problemet me Greqinë. Rruga që kemi bërë sot, është që të sheshojmë këto pengesa. Në Shqipëri ka një shprehje; do me shku mirë me komshiun, ngrejë pak gardhin.”, tha ai.

dashamir shehi seance plenare 18 korrik 2024

Sondazh

Poll