Aktualitet

Pazar me jetët e pacientëve tek Onkologjiku, mjeku Edmond Gashi në gjykatë: Unë bëj vetëm punën

27 Qershor 2024, 10:53 Nga r.ll
Pazar me jetët e pacientëve tek Onkologjiku, mjeku Edmond Gashi
edmond gashi

TIRANË- Mjeku i Onkologjikut, Edmond Gashi është paraqitur ditën e sotme në gjykatën e Tiranës lidhur me skandalin në spitalin Onkologjik. Para gazetarëve ai nuk pranoi të ndalej që të fliste, ndërsa tha shkurtimisht se ai bënte vetëm punën e tij.

“Unë bëj vetëm punën zotëri”, tha Gashi për gazetarët. Ndaj mjekut Gashi është caktuar masa e sigurisë arrest në shtëpi, ndërsa sot në Gjykatë të gjithë personat e përfshirë në dosje do njihen me masat.

Më herët në ambientet e Prokurorisë, për të dhënë dëshminë e tij u paraqit edhe mjekja Alketa Pere e përfshirë gjithashtu në skandal.  Pere u shfaq e revoltuar me gazetarët në nisje të deklaratës, pasi ishte shqetësuar më shumë për fotot " e shtrembëruara" të publikuara në media, sesa për skandalin që bëri bujë. Ajo tha se nuk ka çuar asnjëherë asnjë pacient tek spitalet private, ndërsa shtoi se gjitha këto spitale duhet të hetohen. 

 

 

edmond gashi gjykata e tiranes

Sondazh

Poll