Sport

Mainoo vlerëson: “Bellingham e meriton të jetë në garë për Topin e Artë”

Pas fitores së Anglisë ndaj Serbisë (1-0) dhe para ndeshjes së dytë kundër Danimarkës, i riu anglez Kobbie Mainoo (19) vlerësoi bashkëlojtarin e tij Jude Bellingham, të cilin e konsideron ndër kandidatët për ‘Topin e Artë’.

19 Qershor 2024, 09:30 Nga DOSJA

GJERMANIA - Anglia fitoi me diferencën më të vogël në startin e Euro 2024, të dielën, kundër Serbisë (1-0) , falë golit të Jude Bellingham.

Përveç arritjes së tij, mesfushori u dallua për vizionin e tij të lojës, aftësitë e tij teknike, fuqinë dhe aftësinë e tij për t'u rikthyer dhe mbrojtur.

Për shokun e tij të skuadrës, Kobbie Mainoo një mesfushor që luan me Manchester United, madrileni meriton të jetë ndër kandidatët për Topin e Artë.

Kobbie Mainoo, për shokun e tij të skuadrës Jude Bellingham: “Të gjithë e dinë se çfarë lojtari i madh është Jude Bellingham. Ne e shohim atë çdo ditë në stërvitje, por ai është gjithashtu edhe një djalë shumë i mirë.

Është vërtet mirë të stërvitesh me të. Ai është kërkues, ka standarde të larta që i vendos vetes. Të luash me të dhe të jesh pranë tij është e mrekullueshme, padyshim. Me atë që bëri te Real Madrid... e meriton që Bellingham të jetë në garë për Topin e Artë”.

Mainoo vlerëson: “Bellingham e meriton të jetë në

Kobbie Mainoo vlerëson gjithashtu Declan Rice: “Declan Rice është gjithashtu një lojtar shumë i mirë, shumë i besueshëm, shumë i mirë me topin dhe dominues në mesfushë. Kur kam mundësinë të luaj me të, është gjithmonë kënaqësi të kesh dikë kaq të fortë në top dhe ne gjithmonë i besojmë atij, kudo që jemi në fushë.

Unë mendoj se të gjithë e dinë se ai vlen gjithë arin e botës. Ai është një lojtar shumë i mirë, këtë e ka dëshmuar në Premier League dhe në nivel ndërkombëtar. Më çliron shumë dhe më lejon të shkoj përpara dhe të sulmoj, sepse e di gjithmonë se mund t'i besoj atij”.

B.T (Dosja.al)

 

Sondazh

Poll

MË SHUMË