Sport

Steve Clarke për tifozët e Skocisë, pas humbjes së rëndë: "Ruajeni besimin!"

"Do të duhet të marrim të paktën katër pikë nga dy ndeshjet e ardhshme, tani duhet të vazhdojmë".

15 Qershor 2024, 08:30 Nga DOSJA

Steve Clarke për tifozët e Skocisë, pas humbjes së

GJERMANI - Steve Clarke, trajneri i Skocisë, ishte i shpejtë në një konferencë për shtyp pas disfatës së rëndë ndaj Gjermanisë (1-5), mbrëmjen e kësaj të premteje në hapjen e “Euro 2024”.

Ai ka besim se skuadra e tij është më e mirë se sa u tregua dhe po u bën thirrje tifozëve skocezë që qëndrojnë pas tyre dhe të kenë besim

“Si e shpjegoni këtë humbje të rëndë kundër Gjermanisë (1-5)?
Sepse nuk luajtëm në nivelin tonë.

Cila ishte atmosfera në dhomat e zhveshjes pas kësaj ‘shuplake’?
Kishte zhgënjim, natyrisht, duhet të kishim bërë më mirë. Ne jemi një skuadër më e mirë se ajo që treguam sonte (e premte), një ekip shumë më i mirë. Do të duhet të marrim të paktën katër pikë nga dy ndeshjet e ardhshme, tani duhet të vazhdojmë.

Çfarë do të dëshironit t'u thoni fansave tuaj?
Ruajeni besimin, shihemi në ndeshjen e radhës.

Nuk keni bërë asnjë goditje në portë. A nuk është kjo ndeshja më e keqe që kur keni qenë trajner i kësaj skuadre?
Është një pyetje? Çfarë do të thotë statistika...

Pavarësisht humbjes, a shihni ndonjë fushë ku mund të ndërtoni për të ardhmen?
Thjesht duhet të luajmë më mirë. Ne do ta analizojmë ndeshjen, si çdo herë dhe do të marrim vendimet”.

B.T (Dosja.al)