Politike

Rezoluta anti-korrupsion e PS dhe ngritja e Komisionit të Posaçëm/ Lala: Fatmir Xhafaj në sulm kundër Altin Dumanit

Gazetarja thotë se Xhafaj në krye të komisionit "AntiSPAK", po kërkon të zhvlerësojë Reformën në Drejtësi dhe të vërë nën kontroll SPAK

28 Maj 2024, 17:52 Nga r.ll
Rezoluta anti-korrupsion e PS dhe ngritja e Komisionit të
fatmir xhafaj, altin dumani

TIRANË- Gazetarja Klodiana Lala ka komentuar rezolutën antikorrupsion dhe ngritjen e një Komisioni të Posaçëm parlamentar për "Shqipërinë 2030".  Në krye të këtij komisioni kryeministri Edi Rama flitet se do të caktojë ish-ministrin Fatmir Xhafaj. 

Këtë Lala e ka cilësuar si një "luftë të hapur" ndaj kryeprokuorit të SPAK, Altin Dumanit. Kjo sepse sipas saj, ky i fundit i bindet vetëm ligjit, ndërsa shton se Prokuroria e Posaçme, iu "ka dridhur gjunjët e poltikanëve të korruptuar që deri dje e shihnin veten të paprekshëm."

Ndër këta politikanë që duhet të hetohen, Lala përmend edhe Xhafajn, të cilit shprehet se duhet ti hetohet pasuria për shkak se vëllai është i dënuar për drogë. Gazetarja thotë se Xhafaj në krye të komisionit "AntiSPAK", po kërkon të zhvlerësojë Reformën në Drejtësi dhe të vërë nën kontroll SPAK

POSTIMI I PLOTË: 

Ndodhesha në Beograd për shkak të një angazhimi profesional kur në Këshillin e Lartë të Prokurorisë do të zgjidhej kreu i ri i SPAK. E ndoqa mbledhjen online dhe kuptova se lufta e qeverisë për të marrë drejtimin e Prokurorisë së Posacme ishte e fortë.
Mënyra sesi po zhvilloheshin ngjarjet e dëshmonin qartë këtë. Në finale drejtimin e SPAK e mori Altin Dumani.
Prej asaj dite lufta ndaj korrupsionit në nivele të larta dhe korrupsionit ka nisur të ashpërsohet (sigurisht kërkohet shumë më tepër).

Altin Dumani nuk i bindej askujt. Vetëm LIGJIT. Kjo ngjan se e tmerron Edi Ramën. Ndaj sic duket qartë, ai zgjodhi Fatmir Xhafën, njeriun që dikur e flaku brenda natës nga Ministria e Brendshme, ta thërrasë në shërbim. Si përherë Xhafa di të shërbejë. Ndaj befas e gjen veten në krye të Komisionit AntiSPAK. Një komision që do të përpiqet të kontrollojë strukturën antikorrupsion.

Lufta ndaj Dumanit sapo ka nisur. Xhafa do të luajë me procedura, teknikalitete, negociata me ndërkombëtarët. Do bëjë cmos të arrijë ta kontrollojë SPAK dhe ti shërbejë SHEFIT. Se ka për gjë, e ka gëlltitur flakjen nga Ministria e Brendshme. Edhe momentin kur u detyrua të dorëzojë vëllain në burg në Itali vetëm e vetëm që mos trazohej Edi Rama. Ujërat tashmë kanë ndryshuar. SPAK-u ndryshe nga sa mendojnë analistë të njohur në vend, po ju del nga kontrolli. Jo e gjithë struktura, por një pjesë, që po iu prish gjumin.

Personalisht nuk besoj që Shqipërinë e bën SPAK, Shqipërinë e bëjmë Ne, qytetarët. Por SPAK mjafton t’iu dridhë gjunjët e poltikanëve të korruptuar që deri dje e shihnin veten të paprekshëm. Xhafa është njëri prej tyre, të cilit duhet ti hetohet pasuria për shkak se vëllai është i dënuar për drogë. Po ndërsa, do duhej të mbështeste Reformën që vetë e qepi, tani po përpiqet ta shqepë dhe të vërë nën kontroll SPAK. Nëse kjo ndodh, sbesoj se në këtë vend ka më shpresë. Urojmë mos më dalë parashikimi.

fatmir xhafaj altin dumani

Sondazh

Poll

MË SHUMË