Sport

Nasser al-Khelaïfi, i dëshpëruar pas eliminimit të PSG-së: “Topi nuk donte të hynte”

Presidenti parizien Nasser al-Khelaïfi ishte i dëshpëruar pas eliminimit të skuadrës së tij nga Dortmundi (0-1) këtë të martë në gjysmëfinale të Champions League. Ai vuri në dukje fatin e keq të lojtarëve të tij.

8 Maj 2024, 09:00 Nga DOSJA

Nasser al-Khelaïfi, i dëshpëruar pas eliminimit të

FRANCE - Nasser al-Khelaïfi, president i PSG-së, i mundur 0-1 nga Dortmundi dhe i eliminuar në gjysmëfinale të Champions League, pas ndeshjes u shpreh: “Jemi shumë të zhgënjyer, të trishtuar me rezultatin. Mendoj se meritonim më shumë.

Në total, sonte (e martë) gjuajtëm katër herë në shtylla dhe dy herë javën e kaluar, topi nuk donte të hynte, është e vështirë. Ne donim të fitonim, por urime për Dortmundin. Vërtet menduam se kishim të drejtën të shkonim në finale, ishim më mirë si ekip.

Jemi të zhgënjyer edhe për tifozët tanë, do të kishte qenë një finale madhështore në Londër. Por unë jam krenar për ekipin tim, më i riu në Evropë. Kjo është tre herë që kemi arritur në gjysmëfinale në pesë vjet, sigurisht që ky nuk është qëllimi, por ky është futbolli. Ndonjëherë nuk është i drejtë”.

B.T (Dosja.al)

Sondazh

Poll

Sport 7 Maj 2024, 19:41

Fytyra humane e Neymar… dhe apeli i tij

ARABIA SAUDITE - Neymar, sulmuesi i Al-Hilal Saudit, ka dërguar ndihma humanitare me avionët e tij privatë për viktimat e përmbytjeve...