Sport

Luis Enrique, pas eliminimit të PSG: “Jam shumë i kënaqur me të dy ndeshjet”

E eliminuar nga Borussia Dortmund, PSG u rrëzua nga një lartësi mbrëmjen e së martës. Megjithatë, Luis Enrique thotë se është krenar për skuadrën e tij dhe foli për fatin e keq të pabesueshëm që i ndodhi lojtarëve të tij.

8 Maj 2024, 08:00 Nga DOSJA

Luis Enrique, pas eliminimit të PSG: “Jam shumë i kënaqur

FRANCE - “Ndjenja është trishtim. Nuk mund të jetë ndryshe. Nuk ishim inferiorë në këto dy ndeshje. Goditëm gjashtë herë në shtyllat, gjuajtëm 31 herë sot (e martë) dhe nuk shënuam. Futbolli është i çuditshëm, por shpërblen atë që shënon dhe jo atë që godet shtyllat.

Duhet të urojmë skuadrën që do të luajë në finale. Duhet ta lëmë këtë boshllëk që ndiej dhe të përpiqemi të ngrihemi për të luajtur të dielën kundër Toulouse”, deklaroi Luis Enrique pas ndeshjes.

A është ende një sezon i suksesshëm?
Synimin që i vura vetes, e përsërita. Ka të bëjë me përpjekjen për të konkurruar për të gjithë titujt. Do të shohim pas finales së Kupës së Frances (25 maj kundër OL) se çfarë do të marrim.

Si të shpjegohen tërë ato raste?
A është vërtet serioze të pyesësh për këtë? Nga çfarë varet ndryshimi midis shtyllës dhe topit që hyn në rrjetë? Kishim 3 xG, patëm fat të keq. Nëse më thoni që ne goditëm shtyllën për shkak të lojtarëve, është e çuditshme.

A prisnit më shumë nga ekipi juaj veçanërisht në pjesën e parë?
Jam shumë i kënaqur me të dyja ndeshjet. Ata bënë atë që kërkova. Por më pëlqeu shpirti i ekipit tim. Ju nuk mund ta fajësoni këtë ekip për besimin e palëkundur.

A jeni krenar për ekipin tuaj?
Pa asnjë dyshim. Jam shumë krenar për ekipin tim. Faji i parë është i trajnerit, por unë jam i kënaqur me qëndrimin dhe sjelljen e lojtarëve të mi. Unë kurrë nuk flas me lojtarët e mi në fund të ndeshjes, por sonte (e martë) bëra një përjashtim. Unë kam folur me lojtarët e mi individualisht, por është e vështirë t’i ngushëllosh lojtarët. Është e rëndësishme të dish të fitosh, por është gjithashtu e rëndësishme të dish të humbësh. Duhet ta urojmë Dortmundin dhe ta pranojmë këtë humbje.

Ju zhgënjeu Kylian Mbappé?
Jam vetëm unë përgjegjës për këtë eliminim. Unë marr përgjegjësinë për këto dy ndeshje. Do të ishte e trishtueshme të veçoje një lojtar.

B.T (Dosja.al)

Sondazh

Poll

Sport 7 Maj 2024, 19:41

Fytyra humane e Neymar… dhe apeli i tij

ARABIA SAUDITE - Neymar, sulmuesi i Al-Hilal Saudit, ka dërguar ndihma humanitare me avionët e tij privatë për viktimat e përmbytjeve...

MË SHUMË