Politike

Argita Malltezi në protestë: Veliaj s’ka formim juridik, i ka prokurorët kolegë në korrupsion dhe vjedhje

Ajo vijoi duke thënë se kryeprokurori Altin Dumani ka mbyllur sytë për Veliajn, i cili sipas saj është në të njëjtat kushte si ish-zv/kryeministri Arben Ahmetaj.

30 Prill 2024, 19:42 Nga r.ll
Argita Malltezi në protestë: Veliaj s’ka formim juridik, i ka
argita malltezi

TIRANË- Argita Malltezi, e cila ka marrë pjesë edhe në protestën e sotme të opozitës ka komentuar paraqitjen e Erion Veliajt në SPAK.

E bija e ish-kryeministrit Sali Berisha, tha për News24 se Veliaj i quan kolegë prokurorët në vjedhje dhe korrupsion, pasi nuk ka një formim juridik apo eksperiencë në fushën e drejtësisë.

Ajo vijoi duke thënë se kryeprokurori Altin Dumani ka mbyllur sytë për Veliajn, i cili sipas saj është në të njëjtat kushte si ish-zv/kryeministri Arben Ahmetaj.

"Unë pyes qytetarët se a është lajm i mirë kur kryebashkiaku del nga prokuroria dhe thotë dola nga zyra e kolegëve. I ka kolegë në vlerësimin tonë si opozitarë në vjedhje apo si? Ai nuk është jurist, nuk ka formim juridik, qartazi ai ka kolegë në sferat e tij të ekspertizës sic janë korrupsioni dhe vjedhja. Cdo njeri duhet ta bëjë vetë analizën në dy aspekte.
Veliaj është i zhytur në këtë aferë më shumë se Arben Ahmetaj. Ahmetaj ka 5 shkresa që thotë jo. Në rastin e Veliajt, është në të njëjtat kushte dhe cështje si Ahmetaj dhe Dumani ka mbyllur sytë. SPAK është një konglomeratë prokurorësh.”, tha Argita. 

argita malltezi protesta para bashkise se tiranes

Sondazh

Poll

MË SHUMË