Politike

Protesta e opozitës/ Gjokutaj: Veliaj ka në ballë vulën e korrupsionit! Do të marrim hekurin, do ta shkrijmë dhe do ti bëjmë pranga për të

Avokati më tej shtoi se me marrjen e Tiranës do marrin të gjithë Shqipërinë. Ai gjithashtu tha se ata do të marrin hekurin do ta shkrijnë dhe do ti bëjnë pranga për Erion Veliajn.

30 Prill 2024, 17:43 Nga N.F
Protesta e opozitës/ Gjokutaj: Veliaj ka në ballë vulën e
Genc Gjokutaj

TIRANË- Avokati Genc Gjokutaj ka marrë pjesë në protestën e sotme të opozitës ku ka mbajtur edhe një fjalim para protestuesve. Gjatë fhalës së tij Gjokutaj u shpreh se kryebashkiaku Veliaj ëshrë hajdut me vulën e korrupsionit në ballë. Gjokutaj theksoi se Veliaj dhe banda e tij kanë hyrë në çdo shtëpi, kanë hyrë te uji, kanë hyrë te taksat, kanë hyrë në jetën e qytetarëve të kryeqytetit.

Avokati më tej shtoi se me marrjen e Tiranës do marrin të gjithë Shqipërinë. Ai gjithashtu tha se ata do të marrin hekurin do ta shkrijnë dhe do ti bëjnë pranga për Erion Veliajn.

"Të mblidhemi dhe të mbrojmë Tiranën. Erion Veliaj dhe banda e tij kanë hyrë në çdo shtëpi, kanë hyrë te uji kanë hyrë te taksat, kanë hyrë në jetën tonë. Ky bandit ka dalë nga vrima tani dhe thotë se është sekret hetimor dhe unë nuk jap shpjegime.

Do japësh shpjegime para qytetarëve të Tiranës. Një fjalë për Policinë e Shtetit. Ju jeni Policia e Shtetit për të mbrojtur ligjin, sot ju po mbroni një hajdut dhe kjo është e pafalshme dhe e pamoralshme. Të mbrojmë Tiranën se me marrjen e Tiranës marrim të gjithë Shqipërinë. Ne nuk do të dorëzohemi, këtu do të jemi. Do të marim hekurin do ta shkrijmë dhe do ti bëjmë pranga për Erion Veliajn që ti ketë në duar siç ka në ballë vulën e korrupsionit," tha ai.

genc gjokutaj protesta para bashkise se tiranes

Sondazh

Poll

MË SHUMË