Politike

Komisioni Hetimor për Shëndetësinë nuk arrin dakordësi, mazhoranca paralajmëron bojkot

Ndërkohë sot në orën 13:00 është caktuar të mbahet mbledhja e komisionit.

30 Prill 2024, 11:16 Nga M.B
Komisioni Hetimor për Shëndetësinë nuk arrin dakordësi,
Komisioni

TIRANA- Përfaqësuesit e mazhorancës në Komisionin Hetimor për kontratat në shëndetësi kanë paralajmëruar sot bojkot. Ata theksuan se nuk do t’i përgjigjen thirrjes së kryetares së komisionit, Albana Vokshi, për sa kohë në mënyrë të përsëritur, siç thonë ata, vijohet me praktikën e caktimit të rendit të ditës në mënyrë të pakoordinuar dhe padakordësuar.

Sipas mazhorancës, opozita duhet të heqë dorë nga hetimi partiak dhe t’i kthehet hetimit parlamentar ashtu siç e kërkon ligjit.Ndërkohë sot në orën 13:00 është caktuar të mbahet mbledhja e komisionit.

REAGIMI:

Përfaqësuesit e mazhorancës në Komisionin Hetimor për kontratat në shëndetësi nuk do t’i përgjigjen thirrjes së kryetares së komisionit Albana Vokshi, për sa kohë në mënyrë të përsëritur vijohet me praktikën e caktimit të rendit të ditës në mënyrë të pakoordinuar dhe padakordësuar. Edhe kësaj radhe, caktimi i rendit të ditës dhe orës e datës së mbledhjes është vendosur pa qenë ne në mbledhje.

Ne kemi vendosur tashmë deklarimin e hapur të hetimit duke miratuar Planin e Hetimit bashkë me kalendarin, ku pasqyrohen qartë të gjithë hapat hetimorë të komisionit. Po kështu kemi miratuar kërkesat për marrje provash të opozitës dhe mazhorancës. Për sa kohë mbledhja në fjalë është fuqi, duhet respektuar vendimmarrja e anëtarëve të komisionit.

Çdo shfaqje viktimizimi nga opozita është shprehje e paaftësisë për të ndjekur procedurën ligjore dhe për të kryer një hetim të plotë e serioz. Opozita duhet të heqë dorë nga hetimi partiak dhe t’i kthehet hetimit parlamentar ashtu siç e kërkon ligjit sepse ne kemi vendosur të vijojmë me hetimet dhe të respektojmë kalendarin e Planit Hetimor.

komisioni hetimor për shëndetësinë

Sondazh

Poll

MË SHUMË