Politike

Largohet Kryemadhi? Partia e Lirisë mbledh sot Komitetin Drejtues Kombëtar, ndryshime në Kryesi

Kryesia e Partisë së Lirisë vendosi t’i propozojë Komitetit Drejtues Kombëtar votimin e anëtarëve të Kryesisë aktuale për të formuar Kryesinë Politike të Partisë së Lirisë.

30 Prill 2024, 07:46 Nga M.B
Largohet Kryemadhi? Partia e Lirisë mbledh sot Komitetin Drejtues
Monika Kryemadhi dhe Ilir Meta

TIRANA- Presidenti i Partisë së Lirisë tashmë i zgjedhur i Partisë së Lirisë, Ilir Meta, do të mbledhë sot Komitetin Drejtues Kombëtar të partisë së tij. Komiteti Drejtues Kombëtar do të votojë Kryesinë e re. Ndërkohë nga kjo, pritet dhe largimi i Kryemadhit pas ndryshimeve të ndodhura gjatë Konventës.

Kryesia e Partisë së Lirisë vendosi t’i propozojë Komitetit Drejtues Kombëtar votimin e anëtarëve të Kryesisë aktuale për të formuar Kryesinë Politike të Partisë së Lirisë. Kryesia e Partisë së Lirisë propozoi të hedhë në votim, për anëtarë të rinj të Kryesisë Politike edhe emrat, si më poshtë vijojnë:

1.  Myrvete Asqeri (Anëtare e KDK)
2. Adriatik Hoxha (Anëtar i KDK dhe Sekretar për Sportet)
3. Ana Gjidiaj (Anëtare e KDK)
4. Bedri Merhori (Anëtar i KDK)
5. Besnik Jakaj (Anëtar i KDK)
6. Fatjona Selimaj (Anëtare e KDK, Kryetare e PL, Fushë-Arrëz)
7. Erisilda Hoxha (Anëtare e KDK, Kryetare e PL Kuçovë)
8. Brunilda Salaj (Anëtare e KDK)
9. Pegiola Toro (Anëtare e KDK dhe Këshilltare, Bashkia Roskovec)
10. Denis Hidri (Anëtar i KDK)

Kryesia e Partisë së Lirisë, në zbatim të Statutit të miratuar në Konventën Kombëtare, vendosi t’i propozojë Komitetit Drejtues Kombëtar, që mblidhet nesër, datë 30 prill 2024, ora 18:00, votimin e katër Zëvendës Sekretarëve të Përgjithshëm:

1. Silva Caka - Sekretare për Marrëdhëniet me Publikun, juriste
2. Brunilda Haxhiu - Sekretare për Familjen dhe Kundër Shpopullimit – filozofi-sociologji
3. Anxhela Shenaj - Këshilltare, Bashkia Vlorë, -ekonomiste
4. Bedri Merhori - Anëtar i KDK - ekspert i sigurisë

partia e lirisë

Sondazh

Poll

MË SHUMË