Politike

Takim me shqiptarët në Lombardi, Basha: Nuk ka asgjë të pamundur për të realizuar votën tuaj, por kasta e vjetër politike nuk do ta mundësojë

Gjatë fjalës së tij Basha foli rreth votës së emigrantëve ndërsa shtoi se nuk ka asgjë të pamundur për të realizuar votën e shqiptarëve jashtë Shqipërisë.

28 Prill 2024, 19:20 Nga N.F

 

Takim me shqiptarët në Lombardi, Basha: Nuk ka asgjë të
Basha në Itali

 

ITALI- Kreu i Partisë Demokratike të vulës, Lulzim Basha ka zhvilluar ditën e sotme një takim me shqiptarët në Lombardi në Milano. Gjatë fjalës së tij Basha foli rreth votës së emigrantëve ndërsa shtoi se nuk ka asgjë të pamundur për të realizuar votën e shqiptarëve jashtë Shqipërisë.

Fjala e plotë:

Nuk ka asgjë të pamundur për të realizuar votën e shqiptarëve jashtë Shqipërisë, për të realizuar votën tuaj këtu ku jetoni, në kushte të plota të integritetit dhe të lehtësisë për ta hedhur këtë votë. Por ka një komplot të kastës së vjetër politike, ka një komplot të atyre që sot e gjithë ditën, e gjithë natën e shohin diasporën shqiptare, emigrantët shqiptarë me vlerat që ju përfaqësoni, me parimet tek të cilat besoni, sepse përmes këtyre parimeve të jeni të qartë përpara, në Itali, Greqi, në Amerikë, në Angli e kudo si një rrezik esencial për lojën e tyre të vjetër.

Për ta mbajtur Shqipërinë kështu siç është, madje duke e plakur e duke e pakësuar ditë për ditë, për sa kohë mbahet nën kontrollin e duarve dhe mendjeve të vjetëra politike. Kjo ëshët arsyeja pse më pak se një vit para të katërtave palë zgjedhje që kur premtoi votën e emigrantëve nga kjo sallë, ky kryeministër por jo vetëm ai i druhen zërit tuaj, i druhen vendimit tuaj, i druhen gjykimit tuaj, i druhen votës tuaj. Qëllimi është i qartë, t’ju bëjnë të hiqni dorë nga Shqipëria.

basha itali

Sondazh

Poll

MË SHUMË