Politike

Gazetari italian: Rama i ka premtuar BE-së të hapë qendra të reja refugjatësh në kufirin Shqipëri-Kosovë

Mottola tha se ky pranim që ka bërë Shqipëria për të pranuar refugjatë nga Bashkimi Evropian është e rrezikshme dhe sjell pasoja shumë të rënda. 

22 Prill 2024, 20:50 Nga I.A
Gazetari italian: Rama i ka premtuar BE-së të hapë qendra të
Giorgio Mottola

TIRANË- Gazetari italian i RAI3, Giorgio Mottola ka treguar se Edi Rama i ka premtuar Bashkimit Europian që të ngrejë qendra të reja refugjatës edhe në kufirin mes Shqipërisë dhe Kosovës. Gjatë një intervistë në SYRI TV, Mottola tha se ky pranim që ka bërë Shqipëria për të pranuar refugjatë nga Bashkimi Evropian është e rrezikshme dhe sjell pasoja shumë të rënda. 

"Thuhet se mund të ketë projekte të tjera, për të sjellë emigrantë të tjerë në zonën mes Shqipërisë dhe Kosovës, pra në gjithë këtë rajonin tuaj. Zgjidhja e një problemi europian, pasi Europa nuk do të përballet me këtë problem, nuk do të hapet ndaj fluksit të emigrantëve, sillet ende si një kështjellë e mbyllur. Këtë problem të tyrin, Europa do ta kalojë tek vendet më të dobëta. Dhe Shqipëria i ka pranuar këto refugjatë. Pyetja që duhet  të shtroni ju, është se pse qeveria juaj pranon një zgjidhje të tillë. Jo vetëm sot, por në një distancë të gjatë kohore mund të jetë vërtetë e rrezikshme dhe mund të sjellë pasoja shumë të rënda. Mund të bëj hipoteza dhe supozime, ka arsye politike, publike që mund jenë të kuptueshme qartësisht. Shqipëria ka kërkuar që në vitin 2009 të pranohet në BE, dhe qeveria juaj ka ofruar këtë ndihmë Europës, duke përshpejtuar këtë proces. Ky është mendimi publik që qarkullon", tha Giorgio Mottola.

giorgio mottola

Sondazh

Poll

MË SHUMË