Politike

Nepotizmi përplas Metën dhe Kryemadhin/ Deputetja: Partia jone bazën dhe vlerën e ka te familja! Kreu i PL: Partitë nuk janë biznese familjare

Nga ana tjetër, Meta ka mendim krejt ndryshe. Ai shprehet se partitë politike nuk duhen përdorur si biznese për familje të caktuara, ku përfshiu dhe familjen e tyre. 

19 Prill 2024, 19:41 Nga r.ll
Nepotizmi përplas Metën dhe Kryemadhin/ Deputetja: Partia jone
monika kryemadhi, ilir meta

TIRANË- Në mbledhjen e Komitetit Drejtues të Partisë së Lirisë kanë mbajtur fjalën e tyre drejtuesi, Ilir Meta dhe deputetja njëkohësisht bashkëshortja e ij, Monika Kryemadhi.

Nepotizmi është një ndër temat që ka përplasur dyshen dhe opinionet e tyre. Kryemadhi tha se në një parti politike nepotizmi nuk është fatkeqësi, sepse sipas saj PL vlerën dhe bazën e ka te familja. 

Kryemadhi: Sa i takon nepotizimit dua t’ju them një gjë. Në një parti politike nepotizmi nuk është fatkeqësi. Partia jone bazën dhe vlerën e ka te familja. Institucioni i familjes ndërton institucionin e shtetit.

Nga ana tjetër, Meta ka mendim krejt ndryshe. Ai shprehet se partitë politike nuk duhen përdorur si biznese për familje të caktuara, ku përfshiu dhe familjen e tyre. 

Meta: E përshëndes fjalimin e Monikës përveç asaj fjalës që bie në kundërshtim me Kodin e Etikës që nuk është miratuar ende. Po habitem me ata që nuk e kuptojnë çfarë është nepotizmi. Po flasim për parimet më demokratike. Partia më e madhe demokratike në botë duke çrrënjosur nepotizmin dhe duke instaluar meritokracinë. Nuk duhen bërë partitë instrumente biznesi për familje të caktuara përfshirë këtu familjen e Ilir Metës dhe familje të tjera dhe sidomos organizatën e Rinisë që është atrofizuar nga nepotizmi.

Ka 100 anëtarë LRI-ja në Komitetin Drejtues dhe thirri sot nëse i gjen 40 veta. Ka më shumë këshilltarë të zgjedhur në këshillat bashkiake në bazë edhe të marrëveshjes me Partinë Demokratike të të madhërishmit, Sali Berisha. Ka më shumë këshilltarë se sa anëtarë dhe kjo është pasojë e nepotizmit, mbylljes. Monika është pro amerikane e pa epur dhe ne kemi bashkëpunuar me institutin demokratik amerikan.

Nepotizmi është që ai nuk na e bëri të mundur që një shoqen tonë që dikur e bëmë ministre të ishte e pranishme në mbledhjen e kaluar të Këshillit Kombëtar. Për herë të parë Ilir Meta që e bëri ministre e mori në telefon dhe e falënderoi. Kishte një përpjekje të qartë për të sabotuar kuorumin e mbledhjes së Komitetit Drejtues Kombëtar. Nepotizmi e bëri atë sepse i kanë thënë ty nuk të bëri Ilir Meta ministre.

ilir meta monika kryemadhi mbledhja e komitetit drejtues te pl

Sondazh

Poll

MË SHUMË