Politike

Hetimi për pasurinë, Kryemadhi tregon rastin: SPAK-u mori si kriminel kirurgun që operoi fëmijën tim

Kryemadhi tha se SPAK po u bën presione personave që pyetën në lidhje me këtë hetim.

18 Prill 2024, 22:06 Nga I.A
Hetimi për pasurinë, Kryemadhi tregon rastin: SPAK-u mori si kriminel
Monika Kryemadhi

TIRANË- Deputetja e Partisë së Lirisë Monika Kryemadhi duke folur për hetimin e SPAK ndaj saj, ka treguar se rreth 100 persona janë pyetur nga SPAK në kuadër të hetimeve për pasurinë e saj. E ftuar në studion e emisionit Opinion në Tv Klan, Kryemadhi ka thënë se mes personave të pyetur nga Prokuroria e Posaçme, është edhe një kirurg italian që ka operuar fëmijën e saj. Kryemadhi tha se SPAK po u bën presione personave që pyetën në lidhje me këtë hetim.

"Nuk mund të toleroj metodologjinë për kërcënimin dhe intimidimin që ju bëhet dëshmitarëve që thërrasin. Vetëm për mua mund të kenë thirrur 100 veta. E dini ju që një doktor i cili ka operuar fëmijën tim, i cili ka që në ’90 që operon në Shqipëri dhe ka qenë vullnetar për fëmijët, është italian, ka qenë kirurg, pediatër etj. Është marrë në aeroport si kriminel. I janë hequr lidhëset, i është hequr rripi, e kanë çuar në komisariat, doktor i nderuar, e kanë marrë dhe e kanë çuar në SPAK për ta pyetur. Doktori ka kartelat mjekësore, sepse më shumë para ka harxhuar SPAK-u për përkthimin e letrave të porosisë se sa kanë kushtuar heqja e një lipome të fëmijës tim. Se kur i hiqet fëmijës një lipomë, nuk është operacion plastik. Dhe kur ke kartelën mjekësore që është hequr një lipomë, nuk mund të marrësh si kriminel një kirurg. Kur ke kartelën mjekësore që ta ka sjellë Italia, ke numrin e telefonit, ke adresën dhe mund të komunikosh. Gjithë shoqëria ime është thirrur, edhe të gjithë kanë qëndruar stoikë. I kanë kërcënuar, i kanë intimiduar. Si mund të marrësh një doktor italian dhe ta pyesësh a të ka dhënë Monika Kryemadhi lekë cash?", tha Kryemadhi.

monika kryemadhi

Sondazh

Poll

MË SHUMË