Politike

"Është bërë zëdhënës politik", Meta: Dumani ka shkatërruar imazhin e SPAK

Ai tha se Dumani po lodhet për të arrestuar drejtorët e Bashkisë për të shpëtuar Erjon Veliajn, po arreston dhe heton ministra e ish-ministra për të shpëtuar kryeministrin Edi Rama.

18 Prill 2024, 21:21 Nga r.ll
"Është bërë zëdhënës politik",
ilir meta

TIRANË- Kreu i Partisë së Lirisë, Ilir Meta tha mbrëmjen e sotme se kryeprokurori Altin Dumani po prish imazhun e Prokurorisë së Posaçme. Sipas tij, Dumani është vetëm një zëdhënës politik. 

"Dum Dumani po prish imazhin e SPAK. Dumani është një administrator i SPAK, nuk ka pse të ketë ndikim te asnjë nga prokurorët. Dumani është bërë një zëdhënës politik. Kur Arben Ahmetaj dha goditjen ndaj Edi Ramës dhe Erion Veliajt, Dumani të nesërmen mblodhi gazetarët dhe u tha: prisni se do të ketë zhvillime surprizuese për Arben Ahmetajn. Pse e bëri këtë? Pra ishte kërcënim për Arben Ahmetajn dhe ishte një mesazh për t’i thënë mbylle mos ma ngacmo Edi Ramën, se ai më vuri mua këtu si drejtues i SPAK. Në të njëjtën ditë që bëri kërcënimin ndaj Ahmetajt, Dumani foli edhe për CEZ-DIA, duke përmendur emrin tim disa herë. Ai të më hetojë dhe unë do e hetoj atë brez pas brezi, dhe cilindo që bën presione politike. Nuk është personale që Gjykatat përdoren për ti marrë vulën PD-së, nuk është personale që të tentosh të godasësh Ilir Metën”, tha Meta.

Ai tha se Dumani po lodhet për të arrestuar drejtorët e Bashkisë për të shpëtuar Erjon Veliajn, po arreston dhe heton ministra e ish-ministra për të shpëtuar kryeministrin Edi Rama.

Kreu i PL-së tha se "Dumani e ka tepruar shumë, duke përmendur aq shumë emrin tim dhe duke më çuar edhe njerëz që të largohem nga Shqipëria."

“Kam menduar dhe kam shpresuar që ky Dumani do të bënte diçka, por e vërteta është që ajo që bëri me gazetarin Elton Qyno është shumë e rëndë, pasi këta bëjnë hetim me regji, ca i fshijnë dhe ca i hetojnë”, tha Meta.

 

ilir meta altin dumani

Sondazh

Poll

MË SHUMË